Korrupsiyaga yo'l qo'ymaslik hamda manfaatlar to'qnashuvi yuzasidan targ'ibot olib borildi
2024-10-19 15:00:00 / Yangiliklar
Kuni kecha Madaniyat vazirligining ishchi guruhi Korrupsiyaga qarshi kurashish bo‘yicha 2023 – 2024-yillarga mo‘ljallangan davlat dasturi ijrosini ta’minlash maqsadida, Andijon viloyati madaniyat boshqarmasi faoliyatida korrupsiyaga qarshi kurashish holatini o‘rgandi.
Andijon viloyatida bo'lib o'tgan yig’ilishda viloyat madaniyat boshqarmasi hamda tizim tashkilotlari xodimlari ishtirok etdi.
Yig'ilishda Madaniyat vazirligining korrupsiyaga qarshi kurashish bo‘yicha mas'ul xodimi hamda viloyatdagi huquq tartibot organlari xodimi ishtirok etib, "Manfaatlar to'qnashuvi to'g'risida"gi qonun va vazirlikning korrupsiyaga qarshi kurashish bo'yicha siyosati mazmun-mohiyati haqida ma'lumot berdi.
Shuningdek, yig'ilishda "Mehnat kodeksi" talablariga rioya etish ahvoli, normativ-huquqiy hujjatlarda belgilangan talablarga rioya etilishi va sohaga oid boshqa qonun hujjatlari ijrosi, xaridlarni amalga oshirishda "O'zbekiston Respublikasi Davlat xaridlari to'g'risida"gi Qonun talablariga rioya etilishi, manfaatlar to'qnashuviga yo'l qo'yilmaslik holatlari yuzasidan suhbat olib borildi.
Yig'ilish yakunida soha xodimlarining savollariga mas'ullar tomonidan tegishliligicha javoblar berildi.