Madaniyat vazirining birinchi o‘rinbosari Bahodir Ahmedov xizmat safari bilan Navoiy viloyatida bo‘lib, madaniyat va san’at muassasalari faoliyati bilan tanishdi. 
 
Xizmat safari davomida Karmana hamda Qiziltepa tumanlaridagi madaniyat bo‘limi tizimidagi madaniyat markazlari faoliyatini o‘rganib, namunali madaniyat markazlari ko‘zdan kechirildi.
 
Shuningdek, madaniyat markazlarida tashkil etilgan folklor etnografik ansambllar hamda mavjud to‘garaklar faoliyati bilan ham tanishildi.
 
Tashrif yakunida  Qiziltepa tumanidagi “Nafosat” madaniyat markazida teatrlar, konsert-tomosha tashkilotlari, ixtisoslashtirilgan san’at hamda bolalar musiqa va san’at maktablari,madaniyat bo‘limlari mudirlari, madaniyat markazlari rahbarlari bilan uchrashib, sohada erishilgan yutuqlar va yo‘l qo‘yilgan kamchiliklar yuzasidan tahliliy va tanqidiy yig‘ilish o‘tkazildi.
 
Yig‘ilishda namunali madaniyat markazlarini ta’mirlash va jihozlash ishlarini jadallashtirish hamda o‘z vaqtida foydalanishga topshirish, bolalar musiqa va san’at maktablarini oliy ma’lumotli mutaxassis kadrlar bilan ta’minlash yuzasidan mutasaddilarga tegishli vazifalar belgilab berildi.