“O‘qituvchi va murabbiylar” kuni munosabati bilan bir guruh pedagoglarga ko‘krak nishonlari berildi
2024-09-30 21:05:00 / Yangiliklar
#Tabrik
Bugun, 30-sentyabr kuni 1-oktyabr – “O‘qituvchi va murabbiylar” kuni bayrami munosabati bilan Madaniyat vazirligi tizimidagi ta'lim muassasalarida faoliyat olib borayotgan bir guruh pedagoglar "Madaniyat va san’at fidokori" ko‘krak nishoni bilan taqdirlanishdi.
Ko'krak nishonlarini madaniyat vazirining birinchi o‘rinbosari Avazxon Tadjixanov, madaniyat vaziri o‘rinbosarlari Murodjon Majidov va Yusufjon Usmonovlar o'z egalariga tantanali topshirib, bayram bilan muborakbod etishdi.
Ma'lumot o'rnida, bugungi kunda Madaniyat vazirligi tizimida jami 367 ta ta’lim muassasalari faoliyat olib bormoqda. Mazkur ta’lim muassasalarida 18 mingdan ziyod professor-o‘qituvchilar ta’lim berib kelmoqda.