Hurmatli mehmonlar, xonimlar va janoblar,

Bugungi tantanali tadbir – Gruziyadagi O‘zbekiston Respublikasi madaniyat kunlarining tantanali ochilish marosimida ishtirok etayotgan barchani tabriklash sharafiga muyassar bo‘ldim.

Gruziya va O‘zbekiston Respublikasi o‘rtasida teng huquqlilik va o‘zaro hurmat tamoyillariga asoslangan an’anaviy do‘stlik va sheriklik munosabatlari mavjud. Xalqlarimiz asrlar davomida shakllangan iliq va do‘stona munosabatlar alohida e’tiborga loyiqdir. Shu bois O‘zbekiston o‘z mustaqilligi va suverenitetini mustahkamlash yo‘lida erishayotgan ajoyib muvaffaqiyatlar bizni, ayniqsa, quvontiradi.

Fursatdan foydalanib, O‘zbekiston hukumati va xalqiga Gruziya suvereniteti va hududiy yaxlitligini cheksiz qo‘llab-quvvatlayotgani uchun o‘z minnatdorchiligimni bildiraman.

Katta mamnuniyat bilan qayd etmoqchimanki, 2024 yil ikki tomonlama munosabatlarimizda juda muhim bosqich bo‘ladi, chunki bu yil biz Gruziya va O‘zbekiston Respublikasi o‘rtasida diplomatik munosabatlar o‘rnatilganining 30 yilligini nishonlaymiz (1994 yil 19 avgustda imzolangan). . Fursatdan foydalanib, O‘zbekiston Respublikasi hukumati va xalqiga ushbu muhim voqea munosabati bilan eng samimiy tabriklarimiz va ezgu tilaklarimizni bildiraman.

So‘nggi paytlarda mamlakatlarimiz o‘rtasidagi ikki tomonlama hamkorlik ko‘plab sohalarda, jumladan, iqtisodiyot, savdo, transport, turizm, sog‘liqni saqlash va madaniyat sohalarida sezilarli darajada faollashgani quvonarlidir.

Gruziya hukumatining maqsadi O‘zbekiston bilan munosabatlarni yanada chuqurroq va keng qamrovli qilishdir va O‘zbekiston hukumati bizning xohishimizga to‘liq qo‘shilganidan xursandman.

Hurmatli mehmonlar,
Fursatdan foydalanib, qardosh o‘zbek xalqiga tinchlik, farovonlik va ulkan muvaffaqiyatlar tilayman.
E’tiboringiz uchun barchangizga rahmat! Yoqimli oqshom!