“Xavfsizlik – har birimizning mas’uliyatimiz”: “Dehqonobod kaliy zavodi” AJda davra suhbati o‘tkazildi
2025-10-08 13:25:00 / Yangiliklar
“Yong‘indan ogohlik” oyligi doirasida “Dehqonobod kaliy zavodi” aksiyadorlik jamiyati Tog‘-kon majmuasida xodimlar va mas’ullar ishtirokida xavfsizlik masalalariga bag‘ishlangan davra suhbati tashkil etildi.
Tadbirda xavfsizlik fidoyilari - “Dehqonobod” harbiylashtirilgan kon-qutqaruv vzvodi komandirlar tarkibi ham ishtirok etib, xodimlarga kuz-qish mavsumida yuzaga kelishi mumkin bo‘lgan favqulodda vaziyatlar, ularning oldini olish choralari hamda yong‘in xavfsizligi qoidalari batafsil tushuntirildi.
Suhbat jarayonida korxonada sodir bo‘lishi mumkin bo‘lgan turli ko‘rinishdagi avariyalarga tayyorgarlikni mustahkamlash, tezkor va samarali harakat qilish, profilaktik xabardorlikni kuchaytirish zarurligi ta’kidlandi.