Mashqda qiyin bo‘lsa – amalda oson bo‘ladi: “O‘zbekko‘mir”da maxsus o‘quv mashg‘uloti o‘tkazildi
2025-08-01 11:55:00 / Yangiliklar
Ushbu mashg‘ulot favqulodda vaziyatlar, yirik avariyalar va yong‘inlarning oldini olish hamda ularning oqibatlarini bartaraf etishda boshqaruv organlari, fuqarolar muhofazasi tuzilmalari, qutqaruv kuch va vositalarining hamkorlikdagi harakatlarini muvofiqlashtirish maqsadida tashkil etildi.
Shartli ravishda kuchli zilzila oqibatida obyektda yuzaga kelgan yong‘in, vayronalar va boshqa xavfli holatlarda quyidagi amaliy harakatlar bajarildi:
•Favqulodda vaziyatlarga qarshi tezkor va to‘g‘ri harakat qilish;
•Aholini xavfsiz hududga evakuatsiya qilish;
•Birinchi tibbiy yordam ko‘rsatish;
•Qutqaruv ishlarini samarali tashkil etish.
O‘quv mashg‘ulotiga jami 67 nafar xodim va 4 ta maxsus texnika jalb etildi.
Bunday mashqlar xodimlarning favqulodda holatlardagi tayyorgarligini oshirish, xavfsizlikni ta’minlash va xizmatlar o‘rtasidagi hamkorlikni mustahkamlashga xizmat qiladi.