“Shargʻunkoʻmir” AJda Favqulodda vaziyatlardan muhofaza qilish va fuqaro muhofazasi oyligi doirasida maxsus taktik oʻquv mashgʻuloti oʻtkazildi
2026-01-29 18:55:00 / Press-relizlar
“Shargʻunkoʻmir” AJda Favqulodda vaziyatlardan muhofaza qilish va fuqaro muhofazasi oyligi doirasida maxsus taktik oʻquv mashgʻuloti oʻtkazildi
Surxondaryo viloyati Sariosiyo tumanida joylashgan “Shargʻunkoʻmir” AJga qarashli yuqori texnologik majmuada tuman qutqaruv kuchlari tuzilmalari bilan hamkorlikda Favqulodda vaziyatlardan muhofaza qilish va fuqaro muhofazasi oyligi doirasida maxsus-taktik oʻquv mashgʻuloti oʻtkazildi.
Mazkur tadbir qutqaruv kuchlari tuzilmalari jumladan, FVB xodimlari, tez tibbiy xizmat tuman brigadasi, yongʻin xavfsizligi drujinasi hamda jamiyatga qarashli obyektlarda kon-qutqaruv ishlarini olib boruvchi 1-Alohida harbiylashtirilgan kon qutqaruv vzvodi shaxsiy tarkibining obyektda sodir boʻlishi mumkin boʻlgan avariyalar va baxtsiz hodisalarni bartaraf etish, avariya oqibatida jarohatlanganlarga birinchi tibbiy yordam koʻrsatish va yer yuzasiga evakuatsiya qilish ishlari doirasida hamkorlikdagi harakatlarni muvofiqlashtirishga qaratildi.
Shuningdek, mashgʻulot ishtirokchilariga 25 nafar xodim 5 ta maxsus muhandislik texnikasini jalb qilgan holda favqulodda vaziyatlarda harakatlanish va zarur yordam koʻrsatish boʻyicha amaliy koʻnikmalar namoyish etildi.