Ohangaron tumanida 19 000 metr kub tuproq noqonuniy qazib olinganligi aniqlandi
2026-06-09 10:15:00 / Yangiliklar
Mazkur holat yuzasidan Ohangaron tuman prokuraturasi tomonidan T. MCHJ mansabdor shaxslariga nisbatan O‘zbekiston Respublikasi Jinoyat kodeksining 192(11)-moddasi 2-qismi “a” bandi hamda 229-moddasi bilan jinoyat ishi qo‘zg‘atildi. Tergov va surishtiruv jarayonlarida noqonuniy faoliyat natijasida davlat va jamoat manfaatlariga 200 000 000 so‘mdan ortiq miqdorda iqtisodiy zarar yetkazilganligi hisoblab chiqildi. Hozirda jinoyat ishi materiallari qonuniy chora ko‘rish va zararni undirish uchun jinoyat ishlari bo‘yicha Ohangaron tuman sudiga taqdim etilgan.
Yer qa’ri uchastkalaridan foydalanish samaradorligini ta’minlash maqsadida nazorat tadbirlari O‘zbekiston Respublikasi Prezidentining 2018-yil 26-dekabrdagi “Noruda foydali qazilmalarni o‘z ichiga olgan yer qa’ri uchastkalaridan foydalanish samaradorligini oshirish bo‘yicha qo‘shimcha chora-tadbirlar to‘g‘risida”gi PQ-4078-sonli Qarori talablari asosida tizimli monitoring qilib borilmoqda. Inspeksiya tomonidan yer qa’rini muhofaza qilish va noqonuniy qazishmalarga chek qo‘yish bo‘yicha doimiy nazorat mexanizmlari kuchaytirilgan.
Bu kabi nazorat natijalari tabiat resurslaridan xufyona va nazoratsiz foydalanishga qarshi kurash tizimi samarali ishlayotganini ko‘rsatadi. Davlat nazoratining kuchayishi tadbirkorlik subyektlari mas’uliyatini oshirishga va barcha jarayonlarning qonuniy maydonga o‘tishiga xizmat qiladi. Yer qa’ridan foydalanishda qonuniylikning ta’minlanishi nafaqat atrof-muhitni muhofaza qiladi, bakal davlat budjetiga tushumlarni ko‘paytirib, mamlakat iqtisodiy barqarorligini mustahkamlaydi.
J.Bozorxonov - Bosh yuriskonsult