Tog‘-kon sanoatida xavfsizlik choralari: Favqulodda vaziyatlarga tayyorgarlik ko‘rildi
2026-04-03 08:45:00 / Yangiliklar
Mazkur tadbirlar HKQQning 2026-yil 11-martdagi 25-sonli buyrug‘iga asosan amalga oshirildi. Seminarlarga Favqulodda vaziyatlar vazirligi (FVV) mutaxassislari jalb etilib, xodimlarning ekstremal holatlarda harakat qilish ko‘nikmalari oshirildi.
Seminarlar davomida mutaxassislar bino va inshootlarda yong‘in xavfsizligini ta’minlashning eng muhim jihatlariga to‘xtalib o‘tdilar. Ishtirokchilarga yong‘in kelib chiqqanda o‘t o’chirish vositalaridan to‘g‘ri va samarali foydalanish tartibi amaliy misollar yordamida tushuntirildi. Shuningdek, zilzila kabi tabiiy ofatlar vaqtida binodagi xodimlarni xavfsiz evakuatsiya qilish, ko‘chada harakatlanish va jihozlarni joylashtirish usullari bo‘yicha aniq tavsiyalar berildi.
Tadbirning amaliy qismida hovli joylarda yashaydigan xodimlar uchun ham xavfsizlik choralari tushuntirildi. Fuqaro muhofazasi va texnika xavfsizligi bo‘yicha berilgan maslahatlar xodimlarning nafaqat ish joyida, balki kundalik hayotda ham hushyorligini oshirishga xizmat qiladi. Seminar yakunida xodimlar o‘zlarini qiziqtirgan savollarga mutaxassislardan batafsil javoblar oldilar.
Tahlillar shuni ko‘rsatadiki, bunday tizimli o‘quv mashg‘ulotlari ishlab chiqarish obyektlarida texnogen xavflarni minimallashtirish va inson omili bilan bog‘liq xatolarning oldini olishda hal qiluvchi ahamiyatga ega. Nazorat tadbirlarining profilaktika bilan uyg‘unlikda olib borilishi sohada mehnat muhofazasi darajasini yangi bosqichga olib chiqadi.
Xavfsizlik madaniyatining yuksaltirilishi nafaqat moddiy boyliklarni saqlab qolish, balki eng oliy qadriyat bo‘lgan inson hayotini muhofaza qilishning kafolatidir. Qonuniylik va xavfsizlik talablariga qat’iy rioya qilinishi sohaning barqaror iqtisodiy rivojlanishiga xizmat qiladi.