Hamkorlikda profilaktik tadbirlar o‘tkazildi
2026-01-29 15:10:00 / Yangiliklar
Harbiylashtirilgan kon-qutqaruv qismining “Olmaliq KMK” AJ “Angren kon boshqarmasi” tasarrufidagi obyektlarda kon-qutqaruv ishlarini amalga oshiruvchi Harbiylashtirilgan kon-qutqaruv otryadi tomonidan Samarchuq konining “Chumauk” uchastkalarida, shuningdek, “O‘zbek geologiya qidiruv” AJga qarashli “Sharqiy Qurama” dala ekspeditsiyasining Shimoliy-G‘arbiy uchastkalarida profilaktik tadbirlar o‘tkazildi.
Mazkur tadbirlar yer osti tog‘-kon obyektlarida yuzaga kelishi mumkin bo‘lgan avariyalarni oldini olish, ishlab chiqarish xavfsizligini ta’minlash hamda belgilangan xavfsizlik talablariga rioya etilishini nazorat qilish maqsadida tashkil etildi.
Profilaktik tadbirlar davomida yer osti tog‘-kon uchastkalarining avariyalarni bartaraf etish rejalari amaldagi holatga muvofiqligi, konlarning haqiqiy texnik holati, shuningdek, zaxira chiqish yo‘llarining belgilangan me’yor va talablarga mosligi ko‘zdan kechirildi.