Polvontosh neft konida o‘quv-amaliy mashg‘ulot o‘tkazildi
2025-12-12 18:50:00 / Yangiliklar
Tog‘-kon sanoati va geologiya sohasini nazorat qilish inspeksiyasi Neft va gaz sohasini nazorat qilish tarmoq inspeksiyasi yetakchi mutaxassisi A. Jurayev tomonidan “Yong‘in xavfsizligi oyligi” munosabati bilan "SANEG" MCHJga qarashli Polvontosh neft konida sanoat xavfsizligi, mehnat muhofazasi va yong‘in xavfsizligi qoidalariga rioya etilishi bo‘yicha o‘quv-amaliy mashg‘ulot o‘tkazildi.
Ushbu mashg‘ulotlarda “Farg‘ona harbiylashtirilgan kon-qutqaruv qismi” xodimlari hamda yong‘in xavfsizligi xizmatlari vakillari ishtirok etdilar.
Shuningdek, neft konlarida mehnat qilayotgan ishchi-xodimlar uchun yuzaga kelishi mumkin bo‘lgan baxtsiz hodisalar, yong‘inlar hamda atrof-muhitga zarar yetkazishi mumkin bo‘lgan avariyalarni oldini olish masalalari yuzasidan sohaviy mutaxassislar ishtirokida davra suhbati o‘tkazildi.