Inspeksiyada muhim masalalar muhokamasi va rag‘batlantirish marosimi bo‘lib o‘tdi
2025-12-10 11:10:00 / Yangiliklar
Shundan so‘ng Namangan viloyati Kosonsoy tumani prokurorining jinoyatchilikka olib keluvchi sabablarni aniqlash va ularni bartaraf qilishga oid taqdimnomasi o‘qib eshitildi. Unda ikki tadbirkorlik subyekti hamda Inspeksiyaning Sharqiy mintaqaviy boshqarmasi mansabdor shaxslari ishtirokida tergov qilingan jinoyat ishining tafsilotlari, uning oqibatlari va kelgusida bunday holatlarning oldini olish uchun ko‘rilishi zarur bo‘lgan choralar atroflicha muhokama qilindi. Shu bilan birga aybdor xodimlarga nisbatan qonunda belgilangan tartibda chora ko‘rish zarurligi qayd etildi.
Yig‘ilishning yana bir muhim qismi Geologiya vazirligi tizimida o‘tkazilgan aksilkorrupsiya oyligi doirasidagi tanlov natijalarini e’lon qilishga bag‘ishlandi. Unga muvofiq, Inspeksiyaning korrupsiyaga qarshi kurashish bo‘yicha mutaxassisi Jamshid Zikirov “Eng faol Komplayens xodimi” nominatsiyasida 1-o‘rinni qo‘lga kiritgani, shuningdek, Inspeksiya “Korrupsiyaga qarshi kurashish sohasida eng samarali Komplayens tuzilmasi” nominatsiyasida 3-o‘ringa loyiq deb topilgani aytildi. Mazkur yutuqlar munosabati bilan Jamshid Zikirov va inspeksiya bosh yuriskonsulti Jaloliddin Bozorxonovga Inspeksiya rahbariyati tomonidan faxriy yorliqlar tantanali ravishda topshirildi. Yig‘ilish davomida o‘tgan korrupsiyaga qarshi kurash kuni munosabati bilan tayyorlangan media-materiallar yig‘ilish ishtirokchilariga namoyish qilindi.