O‘zbekiston Respublikasi Tog‘-kon sanoati va geologiya vazirligi huzuridagi Tog‘-kon sanoati va geologiya sohasini nazorat qilish inspeksiyasi

Yig‘ilishda inspeksiya rahbariyati, markaziy apparat xodimlari, videokonferens aloqa orqali viloyat boshqarmalari rahbarlari va mas’ullari ishtirok etdi.

Inspeksiya boshlig‘i Jasur Adilov kun tartibidagi masala – yilning o‘tgan davrida yer qa’ridan foydalanuvchilar tomonidan noqonuniy qazish bilan bog‘liq holatlar bo‘yicha ko‘rilayotgan choralar, hududlar kesimida yashirin iqtisodiyotni qisqartirish bo‘yicha amalga oshirilgan ishlar to‘g‘risida so‘z yuritib, bu kabi holatlarni bartaraf etish uchun zarur chora-tadbirlar, xususan qonunchilik talablari ijrosini ta’minlash uchun qat’iy javobgarlikka alohida e’tibor qaratdi.

Yig‘ilishda, shuningdek, sohada korrupsiya va yashirin iqtisodiyot yuzaga kelishiga sabab bo‘layotgan omillar tahlil qilinib, mutasaddi xodimlarning intizomiy javobgarligi qonunchilik doirasida hal etilishi ta’kidlandi.