T/r

Atama

Ma’nosi

1

Millat

Kishilarning yagona tilda so‘zlashishi, yaxlit hududda istiqomat qilishi, mushtarak iqtisodiy hayot kechirishi, umumiy madaniyat va ruhiyatga ega bo‘lishi asosida tarixan tashkil topgan barqaror birligi.

2

Vatandosh

Vatani bir, bir mamlakatda tug‘ilib o‘sgan kishilar (bir-biriga nisbatan).

3

Diaspora

Oʻzining tarixiy vatanidan (asl kelib chiqish mamlakatidan) tashqarida yashovchi, lekin oʻzining milliy madaniyati, tili va anʼanalarini saqlab qolgan alohida etnik guruh yoki xalq qismidir.

4

Bagʻrikenglik

1) Masalaga keng ko‘lamda, ochiq ko‘ngillik bilan yondashish;

2) Insonlarning bir-biriga nisbatan hurmat, sabr-toqat va tushunish hissi bilan yondashishini bildiruvchi yuksak ma’naviy fazilatdir. Bu tushuncha o‘zgalarning fikrlari, e’tiqodi, millati va urf-odatlari qanday bo‘lishidan qat’i nazar, ularni qabul qila olish va tinch-totuv yashashni anglatadi.

5

Milliy madaniy markaz

Oʻzbekistonda yashovchi turli millat va elat vakillarining oʻz milliy madaniyati, tili, urf-odatlari va anʼanalarini saqlab qolish hamda rivojlantirish uchun tashkil etilgan jamoat birlashmalari.

6

Madaniyatlararo muloqot

Ikki yoki undan ortiq har xil madaniyatlar vakillari oʻrtasida boʻladigan muloqotning alohida bir turidir.

7

Xalqlar doʻstligi

Oʻzbekistonda turli millat va elatlarning tinch-totuv yashashini hamda millatlararo totuvlikni anglatadi.

8

Xalq diplomatiyasi

Davlatlar oʻrtasidagi rasmiy siyosiy aloqalarni toʻldiruvchi, oddiy fuqarolar, jamoat tashkilotlari, madaniyat va ilm-fan namoyandalari orqali xalqlar oʻzaro ishonch va doʻstlikni mustahkamlovchi xalqaro muloqot shakli.

9

Doʻstlik jamiyati

Oʻzbekiston va xorijiy davlatlar oʻrtasidagi doʻstona aloqalar, madaniy hamkorlik va xalq diplomatiyasini rivojlantirishga ko‘maklashuvchi jamoat tashkiloti.

10

Xorijdagi vatandoshlar

Oʻzbekiston Respublikasidan tashqarida doimiy yoki vaqtincha yashayotgan, Oʻzbekiston bilan tarixiy, madaniy, maʼnaviy, til yoki etnik jihatdan bogʻliqligini saqlab qolgan hamda Vatan bilan aloqalarni rivojlantirishga intilayotgan shaxs.