O‘zbekiston Respublikasi Millatlararo munosabatlar va xorijdagi vatandoshlar masalalari bo‘yicha qo‘mitasi

Mustaqilligimizning 35 yilligi munosabati bilan turkiyalik taniqli olim Kemal Yavuz Atamanning «Men tanigan O‘zbekiston» kitobi nashr etildi.
Ushbu asar Respublika Ma’naviyat va ma’rifat markazi, «Ma’rifat» targ‘ibotchilari jamiyati hamda Ijtimoiy-ma’naviy tadqiqotlar instituti hamkorligida amalga oshirilayotgan «Ma’rifat elchilari» loyihasi doirasida o‘zbek va turk tillarida tayyorlandi.
Bu kitob — shunchaki sayohat taassurotlari emas. Unda muallifning O‘zbekiston bo‘ylab qilgan safarlari, ilmiy ekspeditsiyalari, arxiv tadqiqotlari va yurtimiz odamlari bilan muloqotlari asosida shakllangan xolis kuzatuvlari jamlangan.
Asarda Yangi O‘zbekistonda amalga oshirilayotgan keng ko‘lamli islohotlar, mamlakat taraqqiyoti, madaniy meros, xalqimizning qadriyatlari va yurtimizning xalqaro maydondagi o‘rni xorijlik olim nigohida tahlil qilinadi.