“Sun’iy intellekt va kiberxavfsizlik: imkoniyatlar va xavflar” mavzusida davra suhbati bo‘lib o‘tdi
2026-06-04 05:35:00 / Yangiliklar
➡️Qo‘mita binosida talaba-yoshlar ishtirokida “Sun’iy intellekt va kiberxavfsizlik: imkoniyatlar va xavflar” mavzusida davra suhbati tashkil etildi. Tadbirning asosiy maqsadi yoshlarning raqamli texnologiyalar, sun’iy intellekt imkoniyatlari hamda kiberxavfsizlik sohasidagi bilim va ko‘nikmalarini yanada oshirish, internet tarmog‘ida xavfsiz faoliyat yuritish madaniyatini shakllantirishdan iborat bo‘ldi.
💬 Davra suhbati davomida mutaxassislar tomonidan sun’iy intellektning ta’lim, iqtisodiyot, davlat boshqaruvi va axborot texnologiyalari sohalaridagi keng imkoniyatlari haqida batafsil ma’lumot berildi. Shu bilan birga, mazkur texnologiyalarning rivojlanishi natijasida yuzaga kelayotgan kiberxavflar, shaxsiy ma’lumotlar daxlsizligi, internet firibgarligi, soxta axborotlar va kiberjinoyatchilikka qarshi kurashish masalalari ham muhokama qilindi.
⏺Muloqot jarayonida talabalar o‘zlarini qiziqtirgan savollarga mutaxassislardan batafsil javob oldilar, mavzu yuzasidan fikr va takliflar bilan o‘rtoqlashdilar. Mazkur davra suhbati yoshlarning axborot xavfsizligi bo‘yicha bilimlarini mustahkamlash, ularda zamonaviy texnologiyalardan samarali va xavfsiz foydalanish madaniyatini rivojlantirishga xizmat qildi.