Joriy yilning 26-30 iyun kunlari “Huahe International” kompaniyasi Shinjon-Uyg‘ur avtonom rayoni (SHUAR) hukumati bilan birga Urumchida “Xitoy–Yevroosiyo EXPO-2025” Xalqaro ko‘rgazmasini tashkil qildi.
2025-07-01 16:30:00 / Yangiliklar
Joriy yilning 26-30 iyun kunlari “Huahe International” biznes-konsalting kompaniyasi Shinjon-Uyg‘ur avtonom rayoni (SHUAR) rahbaryati bilan birgalikda Urumchi shaxrida “Xitoy–Yevroosiyo EXPO-2025” Xalqaro ko‘rgazmasini tashkil qildi.
Ko‘rgazmada qishloq xo‘jaligi texnikalari va uskunalari, sanoat, tog‘-kon va qurilish sohasida ishlab chiqarish, qayta tiklanadigan energiya uskunalari va boshqalar namoyish qilindi.
Ko‘rgazma doirasida “Osiyo va Yevropa biznes uyushmalari va korxonalarining biznes uchrashuvi”, B2B, “Ipak yoʻli iqtisodiy kamari” loyihasi asosida “Ipak Yo‘li Iqtisodiy Alyansi” konferentsiyasi tashkil etildi.
Tadbirlarda 7 ta davlatdan 11 ta biznes uyushmalar va 136 ta Rossiya, O‘zbekiston, Turkmaniston, Gruziya, Qozog‘iston, Tojikison, Malayziya davlatlari vakillari ehtirok etishdi.
Mazkur tadbirlarda G‘allaorol tumanidan “Gallaaral management” MCHJ QK, “Yoqori kuchlanish” MCHJ, “Solar modern” MCHJ va 1-son politexnikumi vakillari ham ishtirok etishdi.
Xususan, 1-son politexnikumi Xitoyning “Henan Zhengzhong Co., Ltd”, Malayziyaning “NCL Solutions Sdn Bnd” (NCL) kompaniyasi bilan zamonaviy ta’lim texnologiyalarini joriy etish, malakali kadrlar tayyorlash, o‘zaro tajriba almashuvi, stajirovkalar tashkil etish bo‘yicha, “Yoqori kuchlanish” MCHJ Xitoyning “People Electric Appliance Group China” kompaniyasi, “Solar-Modern” MCHJ “Shinjon yangi energiya va yangi materiallar uyushmasi” hamda “Gallaaral management” MCHJ QK Xitoy, Rossiya, Qozog‘iston, Tojikiston, Malayziya davlatlarining uyushmalari, korxonalari bilan hamkorlik kelishuvlariga erishildi.
Bugungi kunda o‘zaro rekvizitlar almashuvi asosida xorijiy hamkorlar bilan onlayn muzokaralar davom etmoqda.
Ko'rgazma veb-sayti: https://www.caeexpo.org.cn/