Gʻallaorol tumani prokurori Shonazarov Ulug‘bek Mamanazarovichning Gʻallaorol tumanida jinoyatchilik va huquqbuzarliklarga qarshi kurash, ularning oldini olish borasida amalga oshirilgan ishlar ahvoli yuzasidan tuman ahliga murojaati
2025-06-05 18:00:00 / Yangiliklar
Ассалому алайкум ҳурматли туманимиз аҳолиси !
Ўзбекистон Республикаси Президентининг 03.01.2025 йилдаги “2025 йилда республика маҳаллаларида хавфсиз муҳитни яратиш ва ҳуқуқбузарликларнинг барвақт олдини олиш тизими самарадорлигини янада ошириш бўйича чора-тадбирлари тўғрисида”ги 1-сонли Қарори ижросини таъминлаш мақсадида 2-чоракда ҳам Ғаллаорол тумани ҳамда барча маҳалаларнинг манзилли чора-тадбирлари тўғрисида “Йўл хариталари” ишлаб чиқилиб, ижрога қаратилди.
Ҳар бир маҳаллада тузилган йўл хаританинг ижроси аҳволи туман ҳокими, прокурори, ИИБ ва бошқа масъуллар томонидан жойига чиқилган ҳолда ўрганилди ҳамда муҳокама қилиниб, йўл қўйилган камчиликларни бартараф қилиш чоралари кўриб борилмоқда.
Хусусан, туманнинг маҳаллаларидаги 147 та кўп қаватли уй ва якка тартибдаги хонадонлар қўриқловга олинди, “Қизил” ва “сариқ” тоифадаги маҳаллаларда жойлашган 28 та савдо дўконлари ва маиший хизмат кўрсатиш масканлари техник қўриқловга олинди, маҳаллаларнинг аҳоли гавжум жойлари ва кўчаларига 62 та кузатув камералари ўрнатилди ва бошқа тадбирлари амалга оширилди.
Амалга оширилган ишлар натижасида жорий йилнинг ўтган 5 ойида туманимизда олдини олиш мумкин бўлган жиноятлар 32 (32) тани ташкил қилиб, ўтган йилнинг мос даврига нисбатан барқарорлигича қолган.
Шу каби, номусга тегиш 1 тага ёки 50 фоизга (1/2), фирибгарлик 8 тага ёки 66,7 фоизга (4/12), ўлим билан боғлиқ ЙТХ 14,3 фоизга ёки (6/7) ҳақорат қилиш 100 фоизга (0/1), порахўрлик жинояти 2 тага ёки 50 фоизга камайишига эришилган.
Шунингдек, прокуратура томонидан жиноятчиликка қарши курашишга масъул бўлган раҳбар ва бошқа масъул шахсларнинг фаолияти доими равишда ўрганиб борилиб, ўз зиммасига юклатилган вазифаларига мусъулиятсизлик билан ёндошган шахсларга нисбатан кескин чоралар кўриб борилмоқда.
Хусусан, жорий йилнинг 5 ойида бу йўналишда 6 та текшириш ўтказилиб, 6 нафар шахслар интизомий жавобгарликка тортилиб, тегишли ваколатли шахсларга 6 та тақдимнома киритилиши таъминланди.
Коррупциянинг олдини олиш бўйича :
Ғаллаорол туманида 2024 йилнинг январь-декабрь ойлари давомида 10 нафар шахслар томонидан 10 та, жорий йилнинг 5 ойида эса, 3 нафар шахслар томонидан 2 та коррупцияга оид жиноятлари содир этилган.
Жорий йилда содир этилган 2 та жиноятлар Ўзбекистон Республикаси Жиноят Кодексининг модддалари кесимида таҳлил қилинганда, шундан 1 таси ЖКнинг 167-моддасида, 1 таси ЖКнинг
210-моддасида назарда тутилган жиноятларни ташкил этади.
Мазкур жиноятларни содир этган 2 нафар шахсларнинг
1 нафари соғлиқни сақлаш тизими, 1 нафари ИИБ ходими томонидан содир этилган.
Коррупцион жиноятларни олдини олиш юзасидан тумандаги коррупция кўплаб содир этилиши мумкин бўлган корхона ва ташкилотлар, шу жумладан тиббиёт, кадастр корхонаси, банклар ва коммунал ташкилотларда йиғилишлар ўтказилиб, раҳбар ва масъул шахслари доими равишда огоҳлантирилиб келинмоқда.
Бундан ташқари, ушбу ташкилотларда жисмоний ва юридик шахсларнинг мурожаатлари билан ишлаш аҳволи, мурожаатларни кўриб чиқишда сансоларлик ҳолатларига йўл қўйилаётганлиги, пора беришга солиб қўядиган вазиятлар, тамагирлик ҳолатларини йўл қўймаслик мақсадида бу йўналишда текшириш ўтказилганида, 4 та ҳолатда мурожаатларни кўриб чиқишда қонунбузилиш ҳолатларига йўл қўйилиб, натижасига кўра, 4 нафар мансабдор шахслар маъмурий жавобгарликка тортилди.
Келгусида ҳуқуқни муҳофаза қилувчи ва бошқа масъул идоралар билан ҳамкорликда юқоридаги йўналишларда ишларимизни янада жадаллаштириб, жиноятчиликни барвақт олдини олиш, коррупция ҳолатларига муросасиз ва кескин чоралар кўриб борилиши таъминланади.
-----------------------------------------------------------------------------------------------------------------------------------
Assalomu alaykum hurmatli tumanimiz aholisi !
O‘zbekiston Respublikasi Prezidentining 03.01.2025 yildagi “2025 yilda respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish bo‘yicha chora-tadbirlari to‘g‘risida”gi 1-sonli Qarori ijrosini ta’minlash maqsadida 2-chorakda ham Gʻallaorol tumani hamda barcha mahalalarning manzilli chora-tadbirlari to‘g‘risida “Yo‘l xaritalari” ishlab chiqilib, ijroga qaratildi.
Har bir mahallada tuzilgan yo‘l xaritaning ijrosi ahvoli tuman hokimi, prokurori, IIB va boshqa mas’ullar tomonidan joyiga chiqilgan holda o‘rganildi hamda muhokama qilinib, yo‘l qo‘yilgan kamchiliklarni bartaraf qilish choralari ko‘rib borilmoqda.
Xususan, tumanning mahallalaridagi 147 ta ko‘p qavatli uy va yakka tartibdagi xonadonlar qo‘riqlovga olindi, “Qizil” va “sariq” toifadagi mahallalarda joylashgan 28 ta savdo do‘konlari va maishiy xizmat ko‘rsatish maskanlari texnik qo‘riqlovga olindi, mahallalarning aholi gavjum joylari va ko‘chalariga 62 ta kuzatuv kameralari o‘rnatildi va boshqa tadbirlari amalga oshirildi.
Amalga oshirilgan ishlar natijasida joriy yilning o‘tgan 5 oyida tumanimizda oldini olish mumkin bo‘lgan jinoyatlar 32 (32) tani tashkil qilib, o‘tgan yilning mos davriga nisbatan barqarorligicha qolgan.
Shu kabi, nomusga tegish 1 taga yoki 50 foizga (1/2), firibgarlik 8 taga yoki 66,7 foizga (4/12), o‘lim bilan bog‘liq YTX 14,3 foizga yoki (6/7) haqorat qilish 100 foizga (0/1), poraxo‘rlik jinoyati 2 taga yoki 50 foizga kamayishiga erishilgan.
Shuningdek, prokuratura tomonidan jinoyatchilikka qarshi kurashishga mas’ul bo‘lgan rahbar va boshqa mas’ul shaxslarning faoliyati doimi ravishda o‘rganib borilib, o‘z zimmasiga yuklatilgan vazifalariga mus’uliyatsizlik bilan yondoshgan shaxslarga nisbatan keskin choralar ko‘rib borilmoqda.
Xususan, joriy yilning 5 oyida bu yo‘nalishda 6 ta tekshirish o‘tkazilib, 6 nafar shaxslar intizomiy javobgarlikka tortilib, tegishli vakolatli shaxslarga 6 ta taqdimnoma kiritilishi ta’minlandi.
Korrupsiyaning oldini olish bo‘yicha :
Gʻallaorol tumanida 2024 yilning yanvar-dekabr oylari davomida 10 nafar shaxslar tomonidan 10 ta, joriy yilning 5 oyida esa, 3 nafar shaxslar tomonidan 2 ta korrupsiyaga oid jinoyatlari sodir etilgan.
Joriy yilda sodir etilgan 2 ta jinoyatlar O‘zbekiston Respublikasi Jinoyat Kodeksining modddalari kesimida tahlil qilinganda, shundan 1 tasi JKning 167-moddasida, 1 tasi JKning
210-moddasida nazarda tutilgan jinoyatlarni tashkil etadi.
Mazkur jinoyatlarni sodir etgan 2 nafar shaxslarning
1 nafari sog‘liqni saqlash tizimi, 1 nafari IIB xodimi tomonidan sodir etilgan.
Korrupsion jinoyatlarni oldini olish yuzasidan tumandagi korrupsiya ko‘plab sodir etilishi mumkin bo‘lgan korxona va tashkilotlar, shu jumladan tibbiyot, kadastr korxonasi, banklar va kommunal tashkilotlarda yig‘ilishlar o‘tkazilib, rahbar va mas’ul shaxslari doimi ravishda ogohlantirilib kelinmoqda.
Bundan tashqari, ushbu tashkilotlarda jismoniy va yuridik shaxslarning murojaatlari bilan ishlash ahvoli, murojaatlarni ko‘rib chiqishda sansolarlik holatlariga yo‘l qo‘yilayotganligi, pora berishga solib qo‘yadigan vaziyatlar, tamagirlik holatlarini yo‘l qo‘ymaslik maqsadida bu yo‘nalishda tekshirish o‘tkazilganida, 4 ta holatda murojaatlarni ko‘rib chiqishda qonunbuzilish holatlariga yo‘l qo‘yilib, natijasiga ko‘ra, 4 nafar mansabdor shaxslar ma’muriy javobgarlikka tortildi.
Kelgusida huquqni muhofaza qiluvchi va boshqa mas’ul idoralar bilan hamkorlikda yuqoridagi yo‘nalishlarda ishlarimizni yanada jadallashtirib, jinoyatchilikni barvaqt oldini olish, korrupsiya holatlariga murosasiz va keskin choralar ko‘rib borilishi ta’minlanadi.