Jizzax viloyati G’allaorol tumani hokimligi

Yoshlar bandligi va tadbirkorligi – barqaror kelajak kafolati

Bugungi kunda mamlakatimizda yoshlarga oid davlat siyosatini amalga oshirish, ularning bandligini ta’minlash, ijtimoiy faolligini oshirish va tadbirkorlikka keng jalb etish davlatimizning ustuvor yo‘nalishlaridan biri bo‘lib qolmoqda. Bu borada Yoshlar ishlari agentligi tomonidan amalga oshirilayotgan chora-tadbirlar, ayniqsa, tumanimizda ko‘zga ko‘rinadigan natijalar bermoqda.

Tumanimiz iqtisodiyoti, asosan, qishloq xo‘jaligi va kichik tadbirkorlik yo‘nalishiga ixtisoslashgan bo‘lib, yoshlar bu sohalarda faol ishtirok etmoqda. Agentlik tashabbusi bilan o‘tkazilgan "Yoshlar — kelajagimiz" dasturi doirasida o‘nlab yoshlar issiqxona xo‘jaligi, parrandachilik, asalarichilik, sabzavotchilik kabi yo‘nalishlarda o‘z tadbirkorlik faoliyatini boshladi.

Shuningdek, tuman bo‘yicha 2025-yilning birinchi choragida 298 nafardan ortiq yoshlar bandligi ta’minlanib, ularning aksariyati kichik biznes subyektlarida, fermer xo‘jaliklarida ish boshladi. Agentlik ko‘magida ularning bir qismi imtiyozli kreditlar, subsidiya va grantlar asosida qo‘llab-quvvatlandi.

Yoshlarning ijtimoiy faolligini oshirish maqsadida muntazam ravishda mahalla va ta’lim muassasalarida uchrashuvlar, seminar-treninglar, "Yosh fermer", "Yosh tadbirkor" tanlovlari tashkil etilmoqda. Bu tadbirlar orqali nafaqat bilim va ko‘nikmalar oshirilmoqda, balki ular o‘z tengdoshlariga ibrat bo‘layotgan faol yoshlarga aylanishmoqda.

Yoshlar ishlari agentligi tomonidan amalga oshirilayotgan ushbu ishlar tumanimizda yoshlarga bo‘lgan e’tiborning amaliy ifodasidir. Zero, yoshlar — kelajagimiz, ularning bandligi va faol ishtiroki barqaror taraqqiyotimiz garovidir.

Yoshlar bandligi va tadbirkorligini rivojlantirish — barqaror taraqqiyot poydevori

Mamlakatimizda yoshlarga oid davlat siyosatining ustuvor yo‘nalishlaridan biri – ularning bandligini ta’minlash, ijtimoiy faolligini oshirish va tadbirkorlik faoliyatiga keng jalb qilishdir. Bu borada Yoshlar ishlari agentligi muhim strategik o‘rin tutmoqda. Ayniqsa, qishloq xo‘jaligi va kichik tadbirkorlikka ixtisoslashgan tumanlarda agentlik faoliyati orqali sezilarli natijalarga erishilmoqda.

Bandlikni ta’minlash bo‘yicha tizimli yondashuv

2025-yillar davomida tumanimizda agentlik ko‘magida amalga oshirilgan ishlar natijasida 1 200 nafar yoshning bandligi ta’minlandi. Shundan:

• 20 nafari doimiy ish joylariga joylashtirildi;
• 3475 nafari o‘zini o‘zi band qilgan fuqarolar sifatida ro‘yxatdan o‘tdi;
• 4 nafari "Yoshlar daftari" orqali subsidiyalashgan ish o‘rinlariga ega bo‘ldi.

Agentlik tomonidan yoshlar uchun bandlik yarmarkalari, kasb-hunar o‘rgatish markazlari bilan hamkorlikda 67 oylik kasbga tayyorlash kurslari yo‘lga qo‘yilgan. Xususan, agronomiya, sartaroshlik, tikuvchilik, oshpazlik kabi kasblar bo‘yicha 250 nafarga yaqin yoshlar qisqa muddatli o‘quv kurslarini tamomlab, amaliy faoliyatni boshladi.

Tadbirkorlikka jalb qilish — moliyaviy va maslahat yordami bilan

Tadqiqotlar shuni ko‘rsatmoqdaki, ko‘plab yoshlar o‘z g‘oyalarini hayotga tatbiq etish istagida bo‘lsa-da, yetarli moliyaviy resurs va maslahatga ega emas. Shu boisdan, tijorat banklari, hokim yordanchilari bilanhamkorlikda 2025-yil davomida 579 nafar yosh tadbirkorga jami 14,221 milliard so‘m miqdorida imtiyozli kredit, subsidiya va grantlar ajratildi. Ushbu mablag‘lar evaziga quyidagi loyihalar amalga oshirildi:

• Aylanma mablag‘ 12ta loyiha
• Asalarichilik 1 ta loyiha
• Bog‘dorchilik 10 ta loyiha
• Issiqxona 7 ta loyiha
• Ishlab chiqarish 16 ta loyiha
• Qishloq xo‘jaligi texnikasi 129 ta loyiha
• Quyonchilik 1 ta loyiha
• qo‘ychilik 44 ta loyiha
• qurilish 2 ta loyiha
• Mineral ugitlar 18 ta loyiha
• Motokultivator 22 ta loyiha
• Mototransport 4 ta loyiha
• Parrandachilik 78ta loyiha
• Sabzavotlar, poliz ekinlari 1 ta loyiha
• Savdo 1 ta loyiha
• Tikuvchilik 132 ta loyiha
• Transport 1 ta loyiha
• Uzumchilik 2 ta loyiha
• Xizmat ko‘rsatish 71 ta loyiha
• Chorvachilik 26 ta loyiha
• Echkichilik 1 ta loyiha

Misol uchun,G‘.G‘ulom mahallasida istiqomat qiluvchi 24 yoshli Ummatov Savronbek Baxtiyor o‘g‘li “Kompyuter xizmatlarini ko‘rsatish” yo‘nalishida kompyuter jixozlarini agentlik yordamida tashkil etib, bugungi kunda 2 nafar tengdoshiga ish o‘rni yaratdi.

2025-yilning birinchi choragida 35 ta mahallada yoshlar bilan 520 dan ortiq tadbirlar o‘tkazildi. Bunda 42 mingdan ortiq yoshlar faol ishtirok etdi.

Xulosa o‘rnida

Yoshlar ishlari agentligi tomonidan amalga oshirilayotgan keng qamrovli ishlar – bu nafaqat yoshlarning bandligini ta’minlash yoki daromad manbai yaratish, balki ularning jamiyatda o‘z o‘rnini topishi, ijtimoiy faolligi va kelajakka bo‘lgan ishonchini mustahkamlashga qaratilgan yirik ijtimoiy harakatdir.

Kelajakda ham tumanimiz yoshlari zamonaviy kasblarni egallab, innovatsion g‘oyalar asosida iqtisodiy taraqqiyotga o‘z hissasini qo‘shadigan yetuk va faol avlod sifatida shakllanishiga ishonchimiz komil.

G‘allaorol tumani Yoshlar ishlari bo‘limi

 boshlig‘i Jamshid Norbekov