Jizzax viloyati G’allaorol tumani hokimligi

Assalomu aleykum!
Hurmatli Gʻallaorol tumaniaholisi!
Qadrli otaxon va onaxonlar!
Aziz yoshlar!
 
 So‘nggi yillarda muhtaram Prezidentimiz Mirziyoyev Shavkat Miromonovich rahbarligida “Inson qadri uchun” ezgu g‘oyasi asosida hududlarni ijtimoiy – iqtisodiy rivojlantirish, aholi yashash sharoitlari hamda mahallalar qiyofasini tubdan yaxshilash, aholining muammolarni tezkorlik bilan hal etish, bir so‘z bilan aytganda xalqni rozi qilish borasida tizimli ishlar amalga oshirilmoqda. Shuni ta’kidlash joizki, tumanimizning tegishli idora va tashkilotlari hamda xalqimiz bilan birgalikda barcha sohalarda qonuniylikni mustahkamlash, jinoyatchilik va korrupsiyaga qarshi kurashish borasida muayyan ishlar amalga oshirildi.
 
Jumladan, amalga oshirilgan ishlar va ko‘rilgan choralar natijasida tumanimizda o‘tgan 8 oy davomida qotillik (2 ta), bezorilik (4 ta), o‘g‘irlik (17 ta), o‘rtacha og‘ir tan jaroxati yetkazish (1 ta), firibgarlik(2 ta), transport vositasini olib qochish(1 ta)tuxmat qilish(1 ta)jinoyatlari o‘tgan davrga nisbatan oshib ketishiga yo‘l qo‘yilgan,  bosqinchilik, talonchilik, mulkni qasddan nobud qilish, xavf ostida qoldirish jinoyatlar sodir etilishiga yo‘l qo‘yilmagan bo‘lsa, o‘lim bilan bog‘liq yo‘l transport xodisalari 14 tadan 13 taga, o‘lim bilan bog‘liq bo‘lmagan yo‘l-transport xodisalari 13 tadan 9 taga, yengil tan jaroxati yetkazish5 tadan 4 taga, xokimiyat vakiliga qarshilik ko‘rsatish1 tadan 0 taga, voyaga yetmaganga uyatsiz-buzuq xarakatlar qilish1 tadan 0 taga sodir etilishi kamayishiga erishilgan,
Biroq, yaratib berilgan imkoniyatlarga qaramasdan ayrim shaxslar noqonuniy yo‘llar bilan boylik orttirish, fuqarolarni aldash va boshqa vositalar orqali ularning mol – mulkini egallashga urinishmoqda. Ayniqsa, internet tarmog‘idan foydalangan holda fuqarolarga har hil turdagi ta’sir o‘tkazish orqali hisob raqamlaridagi pul mablag‘larini egallash holatlari ko‘plab uchramoqda.
Bundan tashqari, ayrim fuqarolarimizning beparvoligi oqibatida o‘zlariga tegishli mol–mulklar, texnika vositalari, chorva mollari yoki uy atroflarini qarovsiz qoldirgani oqibatida o‘g‘rilik jinoyatlari sodir etilishiga imkoniyat yaratib berayotgani ham ayni haqiqat. Buning oqibatini 27 ta o‘g‘rilik jinoyatlari qayd etilganidan ko‘rishimiz mumkin. Ushbu o‘g‘rilik jinoyatlarining 9 tasi xonadonlardan, 2 tasi savdo nuqtalaridan, 2 tasi transport vositasidan, 14 tasini  xayvonlarni o‘g‘rilab sodir etilgan.
 
Aziz Gʻallaorolliklar!
Albatta, tumanimizda jinoyatchilik va korrupsiyaning oldini olishda, umuman barcha sohalarda qonuniylikni ta’minlashda, eng avvalo, mahalla ahli, yoshlar va nuroniy tashkilotlar faollariga, turli mehnat jamoalaridagi jonkuyar va vatanparvar insonlarga, ularning amaliy yordami va hamkorligiga tayanamiz.
Agarda har bir fuqaro tumanimizni jinoyatdan, korrupsiyadan holi, tinch va xavfsiz o‘lkaga aylantirishga o‘z hissasini qo‘shsa barchamiz bir tanu bir jon bo‘lib birgalikda kurashsak ko‘zlangan maqsadga albatta erishamiz.
Aziz yurtdoshlar, keling, barchamiz shu yo‘lda muhtaram Prezidentimizga yelkadosh bo‘lib, qonun ustuvor, adolat hukmron bo‘lgan jamiyatni birgalikda barpo etaylik!
 

JALOLOV ASLIDDIN MUXIDDINOVICH
Gʻallaorol tumani IIB boshlig‘i