Gʻallaorol tumanida lalmi dehqonchiligini rivojlantirish bo‘yicha amaliy muloqot
2026-01-29 12:45:00 / Yangiliklar
Gʻallaorol tumanida lalmi dehqonchiligini rivojlantirish, aholi va yoshlarning bandligini ta’minlash hamda kambag‘allikni qisqartirish masalalariga bag‘ishlangan amaliy muloqot bo‘lib o‘tdi.
Mazkur amaliy muloqotda Boshqaruv samaradorligi agentligi Jizzax viloyati filiali rahbari E. Xalbutayev, tuman hokimi Jalolitdin Oqboyev, tuman hokimining o‘rinbosarlari hamda tegishli soha mas’ullari ishtirok etdilar.
Amaliy muloqot davomida tumanda lalmi dehqonchilik xo‘jaliklarini rivojlantirish, kambag‘al oilalar va ishsiz yoshlarni band qilish maqsadida tuman zaxirasidagi bo‘sh yer maydonlarini ajratish orqali aholi bandligini ta’minlash masalalari atroflicha muhokama qilindi. Shuningdek, yer resurslaridan samarali foydalanish maqsadida Don va dukkakli ekinlar ilmiy-tadqiqot institutining Gʻallaorol ilmiy-tajriba stansiyasi bilan hamkorlikda “ilm va amaliyot uyg‘unligi” tamoyili asosida “Gʻallaorol tajribasi” pilot loyihasini amalga oshirish yuzasidan mas’ullar tomonidan taklif va mulohazalar bildirildi hamda tegishli vazifalar belgilab olindi.