Tashrifdan ko‘zlangan asosiy maqsad, FVV Akademiyasining o‘quv–moddiy bazasi hamda o‘quv jarayoni bilan tanishish, shuningdek, Akademiya bilan o‘zaro tajriba almashish hamda ta’lim sohasida zamonaviy texnologiyalar asosidagi hamkorlikni yanada mustahkamlashdan iborat bo‘ldi.

Ta’kidlash joizki, FVV Akademiyasi tomonidan bir nechta xorijiy davlatlarning turdosh oliy ta’lim va ilmiy tadqiqot markazlari bilan o‘zaro manfaatli hamkorlik aloqalarini rivojlantirish hamda tajriba almashish bo‘yicha doimiy hamkorlik ishlari yo‘lga qo‘yilgan.

Tashrif doirasida delegatsiya a’zolariga Akademiya professor-o‘qituvchilari va harbiy xizmatchilari tomonidan axborot-resurs markazidagi mavjud o‘quv adabiyotlar fondi va o‘quv auditoriyalari, o‘quv jarayonlari, moddiy-texnik bazasi, ilmiy faoliyat va o‘quv sport komplekslari yaqindan tanishtirildi.

Shuningdek, ishg‘ol qilish narvoni orqali o‘quv minorasining 4-qavatiga chiqish, jabrlanuvchini qutqarish mashqlari, kuch va vositalarning yoyilishi bo‘yicha taktik mashg‘ulotlari namoyish etildi.

Tashrif yakunida delegatsiya a’zolariga Akademiya boshlig‘i general-mayor Ravshan Haydarov tomonidan esdalik sovg‘alari tantanali topshirildi hamda ta’lim yo‘nalishida kelgusida olib boriladigan bir qator hamkorlikdagi amaliy masalalar yuzasidan kelishib olindi.