Germaniya xalqaro hamkorlik tashkiloti vakillari bilan Fuqaro muhofazasi institutida amaliy mashg‘ulotlar o‘tkazildi
2024-09-13 11:50:00 / Yangiliklar
Joriy yilning 12-sentabr kuni Germaniya xalqaro hamkorlik tashkilotining O‘zbekistondagi vakolatxonasi xodimlari, Yevropa, O‘rta yer dengizi hamda Markaziy Osiyo davlatlari vakolatxonasi vakillari bilan FVV Fuqaro muhofazasi instituti Favqulodda vaziyatlar simulyatsiya markazida o‘quv-ko‘rgazmali mashg‘ulotlar tashkil etildi.
Tadbir ishtirokchilari markazda tashkil etilgan Zilzila tarixi muzeyi, Zilzila simulyatori, yong‘in xavfsizligi va birinchi yordam trenajyorlari hamda boshqa favqulodda vaziyatlar sharoitida to‘g‘ri harakat qilishga tayyorlovchi 3D o‘lchamdagi virtual dasturli interaktiv xonalarda bevosita favqulodda vaziyatlarda o‘ziga va jabrlanganlarga birinchi yordam ko‘rsatish hamda birlamchi yong‘in o‘chirish vositalaridan to‘g‘ri foydalanish bo‘yicha amaliy harakatlarni bajarib, favqulodda vaziyatlarda to‘g‘ri harakat qilish ko‘nikmalariga ega bo‘ldilar.