Jizzaxda KQAES loyihasi uchun birinchi ishlab chiqarish binolari qurilishi boshlandi
2025-04-16 10:25:00 / Yangiliklar
Jizzaxda KQAES loyihasi uchun birinchi ishlab chiqarish binolari qurilishi boshlandi
🏬 15-aprel kuni Jizzaxda RITM-200N reaktoriga ega kichik quvvatli atom elektr stansiyasi (KQAES) loyihasini amalga oshirish doirasida qurilish-montaj bazasi (QMB) qurilishi boshlandi. Ushbu loyiha Rossiyaning ilg‘or texnologiyalarini o‘zida mujassam etgan holda Jizzax viloyatida joylashgan bo‘lib, mintaqa energetika infratuzilmasini rivojlantirishda yangi bosqichni belgilaydi.
"Biz ushbu loyiha jamiyat uchun yuqori darajada ochiqlik va xabardorlikni oshirish uchun xizmat qiladi, deb ishonamiz. Bu esa barcha tomonlar uchun ishonch va hamkorlikni mustahkamlaydi. RITM-200N reaktoriga ega kichik quvvatli atom stansiyasi sinovdan o‘tgan texnologiyalar va avariyasiz ishlash tajribasiga asoslanib, ekologik toza energiyaning ishonchli manbai bo‘ladi. Ixchamligi, yuqori xavfsizlik darajasi va samaradorligi RITM-200N ni mintaqa energetikasini barqaror rivojlantirish uchun ideal yechimga aylantiradi", — dedi AES qurilishi direksiyasi direktori o‘rinbosari Otabek Amanov.
"Hozirda Rosatomning Injenerlik divizioni RITM-200N reaktorli kichik quvvatli AES uchun hujjatlarni tayyorlash bo‘yicha ishlarini davom ettirmoqda. Bu reaktor VVER tipidagi reaktorlarning avariyasiz ishlash bo‘yicha ko‘p yillik Rossiya tajribasiga asoslangan eng yangi ishlanmadir. Rossiya KQAES loyihasi O‘zbekistonni o‘nlab yillar davomida kafolatlangan elektr energiyasi bilan ta’minlaydi va mintaqa rivojlanishi uchun energetik asos bo‘lib xizmat qiladi", — dedi O‘zbekiston Respublikasida AES qurilishi loyihasi direktori, “Atomstroyeksport” AJ vitse-prezidenti Pavel Bezrukov.
Qurilish-montaj bazasi energobloklar qurilishi davrida muhim infratuzilma elementi bo‘lib, ma’muriy binolar, ishlab chiqarish xonalari, omborlar va yirik yig‘ma tsexlari uchun maydonlar bilan ta’minlaydi.
📏 Loyiha haqida
Loyihaga tayyorgarlik ishlari 2024- yil yozida boshlangan: iyun oyida qurilish bo‘yicha birinchi shtab yig‘ilishi bo‘lib o‘tdi va loyiha muddatlariga rioya qilish uchun ustuvor vazifalar belgilandi. Avgust oyida quruvchilar uchun vaxta yashash shaharchasi qurilishi boshlandi, bu esa mintaqani kompleks rivojlantirishda dastlabki qadam bo‘ldi. KQAES loyihasi nafaqat stansiya qurilishini, balki madaniy, ta’lim va tibbiyot ob’ektlarini yaratishni ham o‘z ichiga oladi, bu esa mintaqaga yashash va ishlash uchun yangi imkoniyatlar jalb qiladi.
2024-yil 27-mayda imzolangan shartnoma Jizzax viloyatida umumiy quvvati 330 MVt bo‘lgan, har biri 55 MVt quvvatga ega oltita reaktordan iborat KQAES qurilishini nazarda tutadi. Bosh pudratchi sifatida “Atomstroyeksport” AJ (Rosatomning Injenerlik divizioni) ishtirok etadi, ishlar esa mahalliy kompaniyalar jalb qilinishi orqali amalga oshiriladi.
Loyihaning asosida RITM-200 kemalari reaktorlarining sinovdan o‘tgan texnologiyasiga asoslangan, yerda foydalanish uchun moslashtirilgan RITM-200N reaktori yotadi. Uning asosiy xususiyatlari — ixchamlik, integral kompozitsiya va qurilish muddatlarining qisqaligi bo‘lib, bu KQAESni zamonaviy energetika vazifalari uchun optimal yechimga aylantiradi.