Koreyada energiya samaradorligi sohasidagi hamkorlik istiqbollari muhokama qilindi
2026-11-02 10:50:00 / Yangiliklar
Joriy yilning 26-31-oktabr kunlari Koreya Respublikasining Seul shahrida o‘tkazilgan “Global Green Growth Week — 2026” xalqaro haftaligi doirasida Energiya samaradorligi milliy agentligi vakillari qator uchrashuvlar va muhokamalarda ishtirok etdi.
Global yashil o‘sish instituti (GGGI) tomonidan tashkil etilgan tadbir doirasida GGGI, Koreya energetika agentligi (Korea Energy Agency), Korea District Heating Engineering (KDHEC) hamda Koreya resurslar aylanishiga xizmat ko‘rsatish agentligi (KORA) vakillari bilan uchrashuvlar o‘tkazildi.
Muloqotlar davomida amaldagi kelishuvlar doirasida amalga oshirilayotgan ishlar, shuningdek, kelgusidagi hamkorlik yo‘nalishlari muhokama qilindi. Xususan, energiya auditi, binolar va markazlashgan issiqlik ta’minoti tizimlarining energiya samaradorligini oshirish, resurslardan oqilona foydalanish hamda Koreyaning ilg‘or tajribasini O‘zbekiston sharoitida qo‘llash imkoniyatlariga alohida e’tibor qaratildi.
Uchrashuvlar xalqaro hamkorlikni rivojlantirish, zamonaviy texnologiyalar va ilg‘or tajribalarni o‘rganish hamda mamlakatimizda energiya samaradorligini oshirish bo‘yicha istiqbolli yo‘nalishlarni belgilashga xizmat qiladi.