“Energiya xavfsizligi kuni”: energiya resurslaridan oqilona foydalanish masalalari muhokama qilindi
2026-09-03 17:00:00 / Yangiliklar
Energiya samaradorligi milliy agentligida “Energiya xavfsizligi kuni” o‘tkazildi. Xodimlar ishtirokida o‘tgan davra suhbatida energiya xavfsizligini ta’minlash, energiya resurslaridan oqilona va samarali foydalanish, energiya samaradorligini oshirishning zamonaviy usullari hamda mavjud imkoniyatlardan unumli foydalanish masalalariga alohida e’tibor qaratildi.
Shuningdek, ishtirokchilarga energiya xavfsizligining mazmun-mohiyati, uning iqtisodiyot barqarorligidagi o‘rni, energiya resurslariga bo‘lgan talabni maqbullashtirish va energiya sarfini kamaytirishga qaratilgan amaliy choralar yuzasidan batafsil ma’lumotlar berildi.
Tadbir davomida energiya samaradorligini oshirish bo‘yicha amalga oshirilayotgan ishlar, mavjud imkoniyatlar va bu borada har bir tashkilot hamda xodimning mas’uliyati haqida fikr almashildi. Energiya resurslaridan oqilona foydalanish nafaqat ortiqcha sarf-xarajatlarning oldini olish, balki mamlakatimizning energiya xavfsizligini mustahkamlashda ham muhim omil ekani ta’kidlandi.