Prezident Administratsiyasi to‘g‘risidagi Konstitutsiyaviy qonun mazmun-mohiyati tushuntirildi
2026-09-02 18:25:00 / Yangiliklar
O‘zbekiston Respublikasi Vazirlar Mahkamasi huzuridagi Energiya samaradorligi milliy agentligida 2026-yil 14-avgustdagi O‘RQ-1166-sonli “O‘zbekiston Respublikasi Prezidenti Administratsiyasi to‘g‘risida”gi Konstitutsiyaviy qonunning mazmun-mohiyatiga bag‘ishlangan taqdimot o‘tkazildi.
Taqdimot davomida Konstitutsiyaviy qonunda belgilangan Prezident Administratsiyasining respublika ijro etuvchi hokimiyat organlari hamda mahalliy davlat hokimiyati organlari bilan hamkorligi, Prezident hujjatlari va topshiriqlari ijrosini tashkil etish, muvofiqlashtirish hamda nazorat qilishga oid normalar tushuntirildi.
Shuningdek, korrupsiyaga qarshi kurashish, davlat organlari va tashkilotlari faoliyatida korrupsiyaviy xavf-xatarlarning oldini olish, manfaatlar to‘qnashuviga yo‘l qo‘ymaslik, ochiqlik va shaffoflikni ta’minlash masalalariga alohida e’tibor qaratildi.
Tadbir davomida korrupsiyaga qarshi kurashishning samarali mexanizmlarini joriy etish, korrupsiyaga oid huquqbuzarliklarning oldini olish, aniqlash va ularga barham berish, shuningdek, komplayens va korrupsiyaga qarshi ichki nazorat tuzilmalari faoliyatini samarali tashkil etish va muvofiqlashtirish bo‘yicha belgilangan yangi tartiblar haqida ma’lumot berildi.
Taqdimot yakunida qonun talablarining davlat organlari faoliyatidagi ahamiyati, korrupsiyaga qarshi murosasiz munosabatni shakllantirish hamda mazkur normalarni amaliyotda samarali qo‘llash masalalari yuzasidan fikr va mulohazalar almashildi.