Uychi tumanida energiya samaradorligini oshirish masalalari muhokama qilindi
2026-07-15 09:45:00 / Yangiliklar
Namangan viloyatining Uychi tumanida Energiya samaradorligi milliy agentligi tashabbusi bilan energiya samaradorligini oshirish, qayta tiklanuvchi energiya manbalarini keng joriy etish hamda davlat tomonidan yaratilgan qo‘llab-quvvatlash mexanizmlaridan samarali foydalanish masalalariga bag‘ishlangan yig‘ilish bo‘lib o‘tdi. Tadbirda tuman hokimi, Energiya samaradorligi milliy agentligi mutaxassislari, tegishli tashkilotlar rahbarlari, hokim yordamchilari hamda mas'ul mutasaddilar ishtirok etdi.
Yig‘ilishda joriy yilning birinchi yarim yilligida tumanda energiya samaradorligini ta'minlash borasida amalga oshirilgan ishlar tahlil qilinib, yil yakuniga qadar bajarilishi lozim bo‘lgan ustuvor vazifalar belgilab olindi.
Energiya samaradorligi milliy agentligi mutaxassislari aholi va tadbirkorlik subyektlari uchun energiya samaradorligi hamda qayta tiklanuvchi energiya manbalarini joriy etishda taqdim etilayotgan subsidiyalar, kompensatsiyalar, soliq imtiyozlari va boshqa rag‘batlantirish mexanizmlari yuzasidan batafsil ma'lumot berdilar. Bu borada Energiya samaradorligini oshirish raqamli platformasi – esma.uzex.uz saytida davlat tomonidan ko‘rsatilayotgan xizmatlar, subsidiya va kompensatsiyalarni taqdim etish jarayonlari ochiq, shaffof va teng imkoniyatlar asosida amalga oshirilishi ta’kidlandi.
Tadbir yakunida ishtirokchilarning taklif va mulohazalari tinglanib, energiya samaradorligini oshirish bo‘yicha belgilangan vazifalarni samarali amalga oshirish hamda aholi va tadbirkorlik subyektlari bilan manzilli ishlashni kuchaytirish yuzasidan tegishli vazifalar belgilandi.