Energiya samaradorligi milliy agentligi ayol xodimalari “Besh ming qadam” yurish marafonida ishtirok etdi
2026-06-15 11:05:00 / Yangiliklar
15-iyun kuni Toshkent shahri, Mirzo Ulug‘bek tumanida joylashgan Olimpiya shaharchasida “Ayollar sport olimpiadasi” doirasida ommaviy ertalabgi badantarbiya mashqlari hamda “Besh ming qadam” yurish marafoni tashkil etildi. Unda Energiya samaradorligi milliy agentligi ayol xodimalari ham faol ishtirok etib, sog‘lom turmush tarzini qo‘llab-quvvatlash, jamoaviy ruh va ijtimoiy faollikni mustahkamlashga o‘z hissalarini qo‘shdilar.
Mazkur ommaviy salomatlik harakati mamlakatimiz xotin-qizlarini sog‘lom turmush tarziga keng jalb etish, jismoniy faollikni oshirish, go‘zallik, salomatlik va o‘zaro hamjihatlik g‘oyalarini targ‘ib qilishga qaratildi.
“Besh ming qadam” yurish marafoni ishtirokchilarga sog‘lom turmush tarzini targ‘ib qilish, jismoniy faollikni oshirish hamda hamjihatlik ruhini mustahkamlashga xizmat qildi. Mazkur tadbir xodimlar o‘rtasida faol va sog‘lom hayot tarzini shakllantirishga muhim hissa qo‘shadi.