Ma'lumot uchun, Zarafshon milliy tabiat bog‘i 2018-yil 7-fevralda tashkil etilgan. Hududda 274 tur hayvonlar va 200 turdan ortiq qushlar mavjud. Shulardan sut emizuvchilarning 4 turi va qushlarning 26 turi O'zbekiston Respublikasi Qizil kitobiga kiritilgan.

Qoratomoq qorayaloq qushi Sibir va Sharqiy Yevropada uyalaydi. Markaziy va Janubiy Osiyoda qishlaydi. Migratsiya va qishlash paytida tog'larning buta yon bag'irlarida, daryolar bo'yidagi to'qay o'rmonlarida, o'rmon kamarlarida, bog'larda uchraydi. Сhakanda, zirk va jiyda daraxtlari bo'lgan joylarda qishda katta to'dalarni hosil qiladi. Qishlash davrida butun milliy bog' hududida kuzatish mumkin.

Oqqanot qizilishton esa o‘troq qush, faqat qishda tog'li hududlarda vertikal ko'chishlarni amalga oshiradi. Yashash joylarida eski bog'larda, tog' yonbag'irlaridagi sun'iy o'rmonlarda, tog'bargli o'rmonlarda, to'qayzorlarda uyalaydi, cho'llarda baland tanali saksovullarda joylashadi. Zarafshon milliy tabiat bog'ida o'rmon zonasida yashaydi.

Suratlar muallifi: Natalya Marmazinskaya