Shuningdek, quyidagilar muhim ahamiyatga ega: 

— “Atrof-muhit bo‘yicha qarorlar qabul qilishda jamoatchilikning ishtiroki va odil sudlovga erishish to‘g‘risida”gi Orxus konvensiyasi doirasida jamoatchilik ishtirokini kuchaytirish, yaʼni O‘zbekistonda amalga oshiriladigan loyihalar muhokamasida jamoatchilik ishtirokini oshirish; 
— jamoatchilikni ekologik qarorlar qabul qilish jarayonlariga kengroq jalb qilish va uni joriy etish bo‘yicha Koreya tajribasini o‘rganish; 
— strategik ekologik baholash va ekologik ekspertiza sohasida qo‘shma loyihalarni amalga oshirish; 
— uglerod izini kamaytirishga qaratilgan pilot loyihalarni amalga oshirishda Koreya tajribasini tatbiq qilish orqali o‘zaro tajriba almashish hamda sheriklikni kengaytirish; 
— ekologik xavfsizlikni taʼminlash samaradorligini yanada oshirish maqsadida “Davlat ekologik ekspertizasi markazi” huzurida sinov laboratoriyasini tashkil qilish yuzasidan tajriba va bilimlarga ega bo‘lish.

Tashrif davomida ekologik monitoring, raqamlashtirish va integratsiya darajasini oshirish, yaʼni monitoring va maʼlumot almashinuvi tizimini takomillashtirish uchun raqamli infratuzilmani yaxshilashda Koreya Respublikasi tajribasini o‘rganish lozimligi taʼkidlandi. Bu o‘z navbatida avtomatlashtirilgan stansiyalardan ekologik ko‘rsatkichlarni onlayn rejimda olish va monitoring jarayonini samarali boshqarish uchun vazirlik hamda idoralar bilan integratsiya qilingan maʼlumotlar tizimini yaratishga imkon beradi.

Tashrif yakunlari bo‘yicha quyidagilarga kelishib olindi: 

— atrof-muhitga taʼsirni baholash va Strategik ekologik baholash jarayonlarining samarali mexanizmlarini yaratish;
— jamoatchilikning atrof-muhit bilan bog‘liq maʼlumotlarga ega bo‘lishi hamda jamoatchilik eshituvlarining samarali huquqiy asoslarini yaratish;
— atrof-muhitga taʼsirni baholash bo‘yicha sinov laboratoriyasini tashkil qilish, laboratoriya maʼlumotlari sifatini nazorat qilish va ekologik monitoring uchun real vaqtda maʼlumot olishga mo‘ljallangan integratsiyalashgan raqamli tizim yaratish;
— atrof-muhitni muhofaza qilish sohasida milliy qonunchilikni xalqaro standartlarga muvofiqlashtirish mexanizmlarini yaratishda dunyoning rivojlangan mamlakatlari tajribasi bo‘yicha maʼlumotga ega bo‘lish.

Mazkur tashrif O‘zbekistonda atrof-muhitga taʼsirni baholash tizimini takomillashtirish, sohadagi milliy qonunchilikni xalqaro standartlarga muvofiqlashtirish mexanizmlarini yaratishda Koreya tajribasini o‘rganish, bu sohadagi mutaxassislar malakasini oshirish, shuningdek, ishlab chiqilgan “Ekologik ekspertiza, atrof-muhitga taʼsirni baholash va strategik ekologik baholash to‘g‘risida”gi yangi tahrirdagi Qonun loyihasining amal qilish mexanizmlarini yaratishga imkon beradi.