O‘zbekiston Respublikasi Ekologiya, atrof-muhitni muhofaza qilish va iqlim o‘zgarishi vazirligi

Ma’lumot uchun, BMTning Savdo va taraqqiyot bo‘yicha konferensiyasi BMT Kotibiyati tizimidagi hukumatlararo tashkilot bo‘lib, jahon savdosida rivojlanayotgan mamlakatlar manfaatlarini himoya qiladi. Tashkilotning asosiy vazifasi savdo, yordam, transport, moliya va texnologiya kabi rivojlanishning barcha jabhalariga tegishli siyosatni ishlab chiqishdan iborat.

Uchrashuv avvalida Aziz Abduhakimov Bosh kotibni Ijodiy iqtisodiyot bo‘yicha Butunjahon konferensiyasi muvaffaqiyatli o‘tkazilgani bilan tabriklab, hamkorlikni mustahkamlash borasidagi ijodiy iqtisodiyot sohasidagi kelgusi faoliyatida muvaffaqiyatlar tiladi. Vazir, shuningdek, vazirlik tomonidan cho‘llanish, o‘rmonlarni ko‘paytirish, tabiiy resurslarni tiklash, chiqindilarni qayta ishlash, shuningdek, iqlim o‘zgarishiga qarshi kurashish bo‘yicha faol ish olib borilayotganini ta’kidladi.

Shuningdek, O‘zbekiston BMTning iqlim o‘zgarishi bo‘yicha COP29 doiraviy konvensiyasining Boku shahrida bo‘lib o‘tadigan konferensiyasida ishtirok etishga faol tayyorgarlik ko‘rayotgani alohida qayd etildi.

“Ushbu majburiyat yurtimizning iqlim o'zgarishiga qarshi kurashish va barqaror rivojlanishga ko'maklashishga sodiqligini aks ettiradi”, – dedi vazir.

Bundan tashqari, A.Abduhakimov barqaror rivojlanish va savdo sohasida katta tajribaga ega bo‘lgan UNCTAD O‘zbekiston uchun qimmatli hamkorga aylanishi mumkinligini ta’kidladi. O‘zbekiston, xususan, Samarqand global muloqotlar markaziga aylangani e’tirof etildi. 

"Biz Butunjahon turizm tashkilotining 25-sessiyasini, BMTning choʻllashishga qarshi kurashish konvensiyasini koʻrib chiqish qoʻmitasining 21-sessiyasi (CRIC21) va Yovvoyi hayvonlarning ko‘chib yuruvchi turlarini saqlash bo‘yicha Konvensiya ishtirokchilari konferensiyasining 14-yig‘ilishini (COP14) muvaffaqiyatli o'tkazdik", — dedi vazir.

R.Grinspan esa O‘zbekiston va BMT tuzilmasi o‘rtasida atrof-muhitni muhofaza qilish borasida ko‘plab umumiy jihatlar mavjudligini ta’kidlab, bu boradagi hamkorlik muhim ekanligi aytib o‘tdi.

Ma’lumot uchun, Rebeka Greenspan 2021-yil sentabrida BMTning Savdo va rivojlanish bo‘yicha konferensiyasi Bosh kotibi lavozimini egallagan. Shuningdek, 1994–1998-yillarda Kosta-Rika vitse-prezidenti bo‘lgan.

Uchrashuv davomida xorijiy tomon amaldagi Hamkorlik dasturi asoslari 2025-yilda yakunlanishini va BMTning O‘zbekistondagi mamlakat guruhi tomonidan yangi asoslar ishlab chiqilishini ma’lum qildi. Vazirlikka muhim ekologik ustuvorliklarning integratsiyasini ta'minlash uchun hamkorlikning yangi asoslarini shakllantirishda faol ishtirok etish taklif etildi.

Tomonlar UNCTAD bilan hamkorlikni kengaytirish, investitsiya siyosati, tashqi savdo, yashil iqtisodiyotni rivojlantirish va atrof-muhitni muhofaza qilish hamda ekoturizm sohasidagi boshqa muhim jihatlarni rag‘batlantirishga alohida e’tibor qaratish masalalarini muhokama qilishdi. 

Uchrashuv yakunida atrof-muhitni muhofaza qilish borasida iqlim o‘zgarishi bo‘yicha hamkorlikni yanada mustahkamlash bo‘yicha kelishuvga erishildi.