Orzu mahallasida kommunal qarzdorliklarni kamaytirish ishlari kuchaytirilmoqda
2026-10-22 10:00:00 / Yangiliklar
Bugun Davlatobod tumani hokimi va tuman prokurori rahbarligida Orzu mahallasida kommunal xizmatlardan mavjud qarzdorliklarni qisqartirish bo‘yicha amalga oshirilayotgan ishlar jadallashtirildi.
Hozirda mas’ul xodimlar tomonidan xonadonma-xonadon yurib, aholi bilan manzilli ish olib borilmoqda. Fuqarolarga tabiiy gaz, ichimlik suvi va elektr energiyasi uchun to‘lovlarni o‘z vaqtida amalga oshirish, mavjud qarzdorliklarni bartaraf etish yuzasidan tushuntirishlar berilmoqda.
Shu bilan birga, qarzdorlikni ixtiyoriy ravishda bartaraf etishga befarq munosabatda bo‘layotgan va to‘lovlarni amalga oshirmayotgan iste’molchilarga nisbatan qonunchilikda belgilangan tartibda choralar ko‘rilib, ayrim iste’molchilarning tarmoqdan uzilmoqda.
Mazkur ishlar kommunal xizmatlar uchun to‘lov intizomini mustahkamlash, qarzdorliklarni kamaytirish va tizim barqarorligini ta’minlashga qaratilgan.
Davlatobod tumani hokimligi Axborot xizmati