Davlatobodda kambag‘allikni qisqartirish bo‘yicha fuqarolar qabuli o‘tkazildi
2026-09-14 10:00:00 / Yangiliklar
Mazkur topshiriqlar ijrosini ta’minlash maqsadida Davlatobod tumanida aholi bilan manzilli ishlash, oilalarning muammolarini xonadonbay o‘rganish va fuqarolarga amaliy ko‘mak ko‘rsatishga qaratilgan ishlar izchil davom ettirilmoqda.
Navbatdagi fuqarolar qabuli tuman hokimi boshchiligida Quyi Rovuston hamda Yuqori G‘irvon mahallalarida o‘tkazildi. Unda fuqarolarning bandligini ta’minlash, daromad manbalarini kengaytirish, tadbirkorlik faoliyatini yo‘lga qo‘yish, mavjud muammolarni hal etish hamda ijtimoiy ko‘makka muhtoj oilalarni qo‘llab-quvvatlash masalalari muhokama qilindi.
Qabul davomida fuqarolarning murojaat va takliflari tinglanib, ayrim masalalar joyida ijobiy hal etildi. Qo‘shimcha o‘rganish va tegishli tashkilotlar bilan hamkorlikni talab etadigan murojaatlar yuzasidan mas’ullarga aniq vazifa va topshiriqlar berildi.
Shuningdek, har bir oilaning mavjud imkoniyatlaridan kelib chiqib, ularni doimiy daromad manbaiga ega qilish, mehnat bozorida talab yuqori bo‘lgan kasblarga o‘qitish, tadbirkorlik tashabbuslarini qo‘llab-quvvatlash hamda imtiyozli kredit va moliyaviy ko‘maklardan foydalanish imkoniyatlarini kengaytirish bo‘yicha manzilli choralar belgilandi.
Bu kabi qabullar orqali fuqarolarni qiynayotgan muammolarni joyida aniqlash va hal etish, oilalarning daromadlarini oshirish hamda kambag‘allikdan chiqarish bo‘yicha amaliy ishlar yanada kuchaytirilmoqda.
Davlatobod tumani hokimligi Axborot xizmati