Namangan viloyati Davlatobod tumani hokimligi

Mazkur topshiriqlar ijrosini ta’minlash maqsadida Namangan viloyatida amaliy ishlar boshlab yuborildi.

Bugun Namangan viloyati hokimi Shavkatjon Abdurazzoqov Davlatobod tumanida energiya samaradorligini oshirish borasida amalga oshirilayotgan ishlar bilan tanishdi.

Dastlab viloyat hokimi “Milliy elektr tarmoqlari” AJ Namangan magistral elektr tarmoqlari filialida bo‘lib, elektr energiyasini uzatish va taqsimlash jarayonlari hamda dispetcherlik boshqaruv markazi faoliyatini ko‘zdan kechirdi. Elektr energiyasi taqsimotini boshqarish pultida olib borilayotgan ishlar va zamonaviy boshqaruv tizimi yuzasidan mutaxassislarning axboroti tinglandi.

Shuningdek, viloyat hokimiga Davlatobod tumanida 2026 yilda energiya resurslaridan foydalanish samaradorligini oshirish bo‘yicha amalga oshiriladigan chora-tadbirlar taqdimoti namoyish etildi. Unda elektr energiyasi, tabiiy gaz hamda issiqlik energiyasini tejash, energiya yo‘qotishlarini kamaytirish, mavjud infratuzilmani modernizatsiya qilish hamda aholini sifatli va barqaror energiya bilan ta’minlashga qaratilgan loyihalar haqida batafsil ma’lumot berildi.

Ta’kidlanganidek, ushbu chora-tadbirlar energiya resurslaridan oqilona foydalanish, tarmoqlardagi texnik yo‘qotishlarni qisqartirish, energiya ta’minoti barqarorligini mustahkamlash hamda aholi va tadbirkorlik sub’yektlariga ko‘rsatilayotgan xizmatlar sifatini yanada oshirishga xizmat qiladi.

Prezidentimiz tomonidan belgilab berilgan vazifalar ijrosini o‘z vaqtida va sifatli ta’minlash maqsadida Namangan viloyatida energiya samaradorligini oshirish bo‘yicha amaliy ishlar izchil davom ettirilmoqda.

Davlatobod tumani hokimligi Axborot xizmati