Qashqadaryo viloyati Chiroqchi tumani hokimligi

Iqtisodiyot va moliya vazirligi tomonidan BMT Taraqqiyot Dasturi (BMTTD) hamkorligida Chiroqchi tumanidagi “Iftixor”, “Yangiqurilish”, “Bog‘ishamol” va Navoiy mahallalari hududida umumiy maydoni 103 gektar bo‘lgan hududning master rejasi va batafsil rejalashtirish loyihasini ishlab chiqildi. Qurilish ishlari tez kunlarda boshlanadi. 

Shu maqsadda tumanda o‘rganish (https://t.me/chiroqchi_press/44948) ishlarini olib borgan loyiha guruhi vakillari ishlab chiqilgan master-reja loyihasini muhokama qilish maqsadida tuman hokimligida bo‘lishdi. 

Tuman hokimi Fayzulla Yusupov boshchiligida loyihachilar, mas’ullar, hududdagi tadbirkorlar master reja va batafsil rejalashtirish loyihasini muhokama qilishdi. 

Muhokama davomida milliylikni o‘zida aks ettirgan bino va inshootlar, aholi dam olish maskanlari qurilishida tabiiy landshaftlarni saqlab qolish, xususan bog‘cha va maktablar, sport maydonlarini loyihalashtirishga alohida e’tibor qaratish kerakligini ta’kidladi.

Ma’lumot o‘rnida loyiha doirasida hududda 24 ta 5-7 qavatli ko‘p qavatli uylar, 50 dan ortiq savdo va maishiy xizmat ko‘rsatish ob’yektlari, 3 ta biznes markazlari, 6 ta restoran va mehmon kutish joylari, 2 ta mehmonxona va 8 ta mehmon uylari (dachalar), 1 ta istirohat bog‘i va 5 ta daryo qirg‘og‘i bo‘ylab  landshaftli ekologik zonalar, sport-sog‘lomlashtirish markazi futbol, voleybol, basketbol va tennis maydonlari, yugurish yo‘laklari, yopiq sport majmualari trenajyorni zal, yopiq basseynlar qurilishi rejalashtirilgan. 

Shuningdek, hududda Bolalar markazi, savdo markazi, sun’iy baliqchilik havzalari, mahalla guzari, akvapark, 8 ta avtoparkovkalar, 35 ta ekologik hududlar, 5 ta kichik mehmonxonalar, 500 o‘rinli 2 ta xususiy bog‘cha va 1000 o‘rinli 2 ta maktablar va xotin-qizlar bandlik markazlari va boshqa ijtimoiy-maishiy va iqtisodiy ob’yektlar qurilishi rejalashtirilgan.

Eng muhimi loyiha doirasida qurilishi rejalashtirilayotgan ob’yektlar o‘zida milliylikni aks ettiradi.