Qashqadaryo viloyati Chiroqchi tumani hokimligi

“Yuksalish” harakati, O‘zbekistondagi BMT Bolalar jamg‘armasi va BMT Taraqqiyot dasturi bilan hamkorlikda Shveysariya taraqqiyot va hamkorlik agentligi moliyaviy ko‘magida “O‘zbekistonda bolalar va yoshlar uchun qulay mahalliy boshqaruvni inklyuziv transformatsiyalash” nomli BMTning qo‘shma dasturi amalga oshirilmoqda.

Bugun tuman hokimlida tuman hokimi Fayzulla Yusupov rahbarligida BMTning qo‘shma dasturi doirasida tashkilotchilar bilan maslahat uchrashuvi bo‘lib o‘tdi. Unda, qo‘shma dasturni mahalliy darajada asosiy manfaatdor tomonlarga tanishtirish, tadbirlarni mahalliy kontekstga moslashtirish va mahalliy mulk va salohiyatni rivojlantirish orqali amalga oshirishga qaratilgan. 

•  BMT qo‘shma dasturining maqsadlari, tuzilishi, natijalari va rejalashtirilgan faoliyatini taqdim etish.
•  Har bir pilot tuman / shaharda mahalliy ishchi guruhlarni tashkil etish.
•  Imkoniyatlar, qiyinchiliklar va mahalliy ustuvor yo‘nalishlarni aniqlash uchun ishtirokchilar maslahatlar o‘tkazish.
•  Mahalliy boshqaruv manfaatdor tomonlarining salohiyatini oshirish ehtiyojlarini baholashdan iborat.

Ma’lumot o‘rnida, Dastur Surxondaryo, Qashqadaryo, Xorazm va Toshkent viloyatlarining 12 ta pilot tuman va shaharlarda amalga oshiriladi. 
Yangi qo‘shma dastur viloyatlar darajasida natijalarga asoslangan boshqaruv va byudjetlashtirish sohasidagi qonunchilik va institusional bazani takomillashtirishga qaratilgan. 

Bu mahalliy hokimiyat organlariga resurslarni mahalliy ustuvor maqsadlarga hamda yoshlar va bolalar ehtiyojlariga muvofiq yanada samarali, shaffof va hisobot berish asosida rejalashtirish, taqsimlash va nazorat qilish imkonini beradi. 

Dalillarga asoslangan qarorlar qabul qilish, ishtirokni rejalashtirish va samaradorlikni monitoring qilish ko‘nikmalari va tizimlarini shakllantirish orqali ushbu dastur davlat investisiyalari bolalar, o‘smirlar va ularning oilalari uchun yaxshilangan natijalarga aylanishini ta’minlashga yordam beradi. 

Ushbu sa’y-harakatlar davlat va ijtimoiy xizmatlarni yanada adolatli va samarali bo‘lishiga hissa qo‘shib, O‘zbekistonning keng islohotlar kun tartibini va uzoq muddatli barqaror rivojlanishini qo‘llab-quvvatlaydi. Dastur yanada inklyuziv va samarali mahalliy boshqaruvni qo‘llab-quvvatlash uchun jahonning ilg‘or tajribalaridan foydalanadi.