Физиолог ва психологларнинг сўнгги тадқиқотлари шуни кўрсатадики, иш вақтидан фойдаланиш самарадорлигининг максимал даражаси 5-6 соатни ташкил этар экан.  

Швеция ва бошқа Европа мамлакатларида компаниялар маош ҳамда бажариладиган иш ҳажмини сақлаб қолган ҳолда 6 соатлик иш кунига фаол ўтишмоқда. Бунинг натижасида корхонанинг самарадорлиги ошиб бормоқда. 

Ушбу ёндашув тарафдорлари айтганидек, одам 8 соат давомида вазифаларни бажаришга эътиборини қарата олмайди. Толиқиши натижасида ишни бошқа фаолият билан аралаштириб юборишни бошлайди. 

6 соатлик иш куни тизимини жорий қилган барча ташкилотлар раҳбарлари ходимларнинг иштиёқи ортганини қайд этишди. 

Шунингдек, иш жойидаги низолар сонининг камайиши ва умуман ҳаётдан қониқишнинг ортиши кузатилган.