Andijon viloyati Bo'ston tumani hokimligi

MUSTAQILLIK SHUKUHI — YANGI HIZMAT SERVIZI OCHILDI

Bo‘ston tumanining Sariq jo‘g‘a MFY, Bog‘cha ko‘chasi hududida 50 metr uzunlikdagi yopiq drenaj ustida bunyod etilgan “Qahhor ota” savdo markazining ochilish marosimi bo‘lib o‘tdi.

Yangi savdo markazida aholiga qulaylik yaratish maqsadida ayollar go‘zallik saloni, ovqatlanish shoxobchalari, savdo do‘koni hamda chevarchilik xonalar faoliyati yo‘lga qo‘yildi.

Eng quvonarlisi, mazkur markazning ishga tushirilishi natijasida 10 dan ziyod yangi ish o‘rni yaratildi. Bu esa hudud aholisining bandligini ta’minlash va tadbirkorlikni rivojlantirishga xizmat qiladi.

O‘zbekiston Respublikasi Mustaqilligining 35 yilligi arafasida foydalanishga topshirilgan ushbu yangi maskan yurtimizda olib borilayotgan bunyodkorlik, obodonlashtirish va tadbirkorlikni qo‘llab-quvvatlash borasidagi ezgu ishlarning yana bir amaliy ifodasidir.