Andijon viloyati Andijon tumani hokimligi

Andijon tumani hokimi Boburjon Yuldashev hamda tuman soliq inspeksiyasi rahbari Dilshodbek Ahmadaliyev boshchiligida, hokim o‘rinbosarlari, tashkilot va muassasa rahbarlari, mahalla yettiligi, bank agentlari hamda ta’lim sohasiga mas’ul xodimlar ishtirokida kengaytirilgan yig‘ilish o‘tkazildi. Yig‘ilish davomida tumandagi dolzarb masalalar, berilgan topshiriqlar ijrosi hamda ularning natijalari atroflicha tahlil qilindi. Shu bilan birga, kelgusi davrda amalga oshirilishi lozim bo‘lgan muhim vazifalar – mahallalarda aholi muammolarini o‘rganish, yoshlarni qo‘llab-quvvatlash, tadbirkorlikni rivojlantirish, ta’lim sifati va tibbiyot xizmatlarini yanada yaxshilash kabi yo‘nalishlar bo‘yicha aniq rejalar belgilab olindi. Bank agentlari va mas’ul tashkilotlar bilan hamkorlikda aholiga qulay sharoit yaratish, yangi ish o‘rinlari ochish va mahallalarda ijtimoiy faollikni kuchaytirish borasida fikr almashildi. Yig'ilish yakunida tuman hokimi barcha rahbar va mas’ullarga aniq topshiriqlar berib, ularning ijrosini doimiy nazoratda bo‘lishini ta’kidladi.