Tuman hokimi O‘zbekiston Respublikasi Prezidentining, O‘zbekiston Respublikasi Oliy Majlisi palatalarining qarorlari, Vazirlar Mahkamasi va viloyat hokimligi qabul qilgan hujjatlar, tumandagi tashkilot, korxona, muassasalar bilan fuqarolarning o‘zini o‘zi boshqarish organlari o‘rtasidagi aloqalarni, aholini tumanni boshqarishga jalb etishni ta’minlaydi;

Qonunlarning hamda O‘zbekiston Respublikasi Oliy Majlisi palatalari, O‘zbekiston Respublikasi Prezidenti, Vazirlar Mahkamasi hujjatlarining, viloyat hokimi, yuqori turuvchi organlar va xalq deputatlari tuman Kengashi qarorlarining ijrosini tashkil etadi;

o‘ziga berilgan vakolatlar doirasida tegishli hududdagi barcha korxonalar, muassasalar, tashkilotlar, birlashmalar, shuningdek mansabdor shaxslar va fuqarolar tomonidan bajarilishi majburiy bo‘lgan qarorlar qabul qiladi;
jamoat tartibiga rioya etilishi va jinoyatchilikka qarshi kurash, fuqarolarning xavfsizligini ta’minlash, ularning huquqlarini himoya qilish va salomatligini muhofaza etish bilan bog‘liq chora-tadbirlar ko‘radi, tabiiy ofatlar, epidemiyalar va boshqa favqulodda hollarda tegishli ishlarni tashkil etadi;
aholini qabul qilishni tashkil etadi, fuqarolarning shikoyatlari, arizalari va takliflarini qarab chiqadi, joylarda tashkil etilgan “Xalq qabulxonalari” ni faoliyat ko‘rsatishiga har tomonlama ko‘maklashadi va ular tomonidan tashkil etiladigan qabullarda ishtirok etadi;

tumanni iqtisodiy va ijtimoiy rivojlantirishning asosiy yo‘nalishlarini, tuman byudjetining asosiy ko‘rsatkichlarini va ularning ijrosiga doir hisobotlarni xalq deputatlari tuman Kengashining sessiyasi tasdig‘iga taqdim etadi;
Viloyat hokimi bilan kelishilgan holda tuman hokimining o‘rinbosarlarini lavozimga tayinlaydi va lavozimidan ozod etadi. Ushbu masalaga doir qabul qilgan qarorlarini tuman Kengashining tasdig‘iga kiritadi;
hokimlik apparat xodimlarini lavozimga tayinlaydi
va lavozimdan ozod qiladi;

berilgan vakolatlari doirasida tuman tashkilotlari rahbarlarini tayinlaydi va amaldagi tartibga asosan tuman Kengashi tasdigiga kiritadi. Shuningdek, tegishli korxona va tashkilotlar rahbarlarini saylash va tayinlash bo‘yicha viloyat boshqarmalariga takliflar kiritadi;

o‘zini o‘zi boshqarish organlarini qarorlarini, basharti ular O‘zbekiston Respublikasining Konstitutsiyasiga, qonunlariga va O‘zbekiston Respublikasi Oliy Majlisi palatalari, O‘zbekiston Respublikasi Prezidenti, Vazirlar Mahkamasi va viloyat hokimining hujjatlariga, shuningdek xalq deputatlari tuman Kengashi qarorlariga zid bo‘lsa, bekor qiladi va xalq deputatlari tuman Kengashiga bekor qilish to‘g‘risida taqdimnoma kiritadi;

rahbarlari xalq deputatlari tuman Kengashi tomonidan lavozimga tayinlanadigan va lavozimdan ozod etiladigan ijroiya hokimiyati struktura bo‘linmalarining ishini nazorat qiladi;

Xalq deputatlari tuman Kengashi va viloyat hokimi qabul qilgan va chiqargan hujjatlarni bajarmaganliklari uchun mansabdor shaxslarni intizomiy javobgarlikka tortish to‘g‘risida qonunda belgilangan tartibda taqdimnoma kiritadi;
Davlat mukofotlari bilan taqdirlashga doir iltimosnomalarni qarab chiqadi va takliflar kiritadi;

respublika va xorijda tumanning rasmiy vakili sifatida ish ko‘radi;
o‘ziga berilgan vakolatlari doirasida umum manfaatni ifodalovchi tadbirlar o‘tkazish, qo‘shimcha korxonalar, xo‘jalik tashkilotlari tuzish uchun, turli tarmoqlar va boshqaruv sohalarida faoliyatlarni uyg‘unlashtirish maqsadida viloyat hokimi bilan kelishgan holda O‘zbekiston Respublikasi boshqa viloyatlari, shaharlari va tumanlarining davlat hokimiyati va boshqaruvi organlari bilan shartnomalar asosida o‘zaro munosabatlar o‘rnatadi;

tumandagi tashkilot, korxona, muassasalar va o‘zini o‘zi boshqarish organlarining O‘zbekiston Respublikasi Konstitutsiyasi talablarini, O‘zbekiston Respublikasi qonunlarini, Oliy Majlis palatalari qarorlarini, Prezident Farmonlari, qarorlari va farmoyishlarini, Vazirlar Mahkamasining, shuningdek xalq deputatlari viloyat, tuman Kengashlarining hamda viloyat va tuman hokimining qarorlari va far moyishlarini bajarish bo‘yicha faoliyatlarini nazorat qiladi;

zaruriyatga qarab, ammo bir yilda kamida 2 marta xalq deputatlari tuman Kengashining sessiyasini chaqiradi, sessiyani olib boradi, kun tartibiga kiritiladigan masalalarni taklif qiladi, uning xujjatlarini imzo qo‘yib tasdiqlaydi;
olib borayotgan ishlari va rahbarlik qilayotgan boshqaruv organlarining faoliyati haqida yilda bir marta xalq deputatlari tuman Kengashiga axborot beradi;
tuman huquqni muhofaza qiluvchi organlar, harbiy safarbarlik va favqulodda vaziyatlar idoralari bilan hamkorlikda ish olib boradi;
yangi texnologiyalar va texnikalarni joriy qilish orqali iqtisodiyotning raqobatbardoshligini oshirish, bunda yangiliklarni o‘zlashtirishga yuqori darajadagi qobiliyatli ilmiy va intellektual salohiyatdan samarali foydalanish choralarini ko‘radi;

davlat strategik va safarbarlik zaxiralarini shakllantirishni, shu jumladan, ularni to‘plash, saqlash va yangilab borishni, shuningdek davlat strategik va safarbarlik zaxiralaridan belgilangan tartibda tezkorlik bilan foydalanishga doimiy tayyor bo‘lishni ta’minlash ishlarini muvofiqlashtiradi;

O‘zbekiston Respublikasi Davlat chegaralarini delimitatsiya, demarkatsiya va redemarkatsiya qilish, chegaralar yaqinidagi muommalarni hal etish, nolegal migratsiyaga qarshi kurashish, respublika hududiga tovarlar va kontrafakt mahsulotlarni noqonuniy olib kirish masalalari bilan bog‘liq tadbirlarni belgilangan tartibda amalga oshiradi;

hokim rejalashtirish, byudjet, moliya, hisob-kitob, tuman mulkini boshqarish, mulkchilikning turli shakliga mansub korxonalar, muassasalar va tashkilotlar bilan hamjihatlik qilish, qishloq xo‘jaligi, yer va boshqa tabiiy resurslardan foydalanish, tabiatni muhofaza qilish, qurilish, transport, yo‘l xo‘jaligi va aloqa, aholiga kommunal, savdo va ijtimoiy-madaniy xizmat ko‘rsatish, aholini ijtimoiy muhofaza qilish, qonuniylik, huquq-tartibot va xavfsizlikni ta’minlash, fuqarolarning huquq va erkinliklarini muhofaza qilish sohasida qonun hujjatlarida o‘z vakolatiga berilgan boshqa masalalarni ham hal etadi.

Tuman hokimi o‘z vakolatlari doirasida qabul qilgan hujjatlar tuman hududida joylashgan barcha korxonalar, muassasalar, tashkilotlar, mansabdor shaxslar va fuqarolar tomonidan ijro etilishi majburiydir.
2. Tuman hokimi quyidagi komissiya va Kengashlarga raislik qiladi:
voyaga yetmaganlar ishlari bo‘yicha tuman idoralararo komissiyasi;
narkotik moddalarni nazorat qilish mintaqaviy komissiyasi;
geografik ob’yektlarni nomlash va qayta nomlash masalalari bo‘yicha tuman komissiyasi;

Nazorat qiluvchi organlar faoliyatini muvofiqlashtiruvchi hududiy komissiyasi;
xorijiy fuqarolarga, jumladan MDHga a’zo davlatlar fuqarolariga, fuqaroligi bo‘lmagan shaxslarga yashash guvohnomalarini berish, shuningdek tuman hududida ularni doimiy qayd etish masalalarini ko‘rib chiqish bo‘yicha maxsus komissiyasi;
O‘zbekiston Respublikasi Prezidentining 2018 yil 2 fevraldagi “Xotin-qizlarni qo‘llab-quvvatlash va oila institutini mustahkamlash sohasidagi faoliyatni tubdan takomillashtirish chora-tadbirlari to‘g‘risida”gi PF-5325 son Farmoni bo‘yicha doimiy ishlovchi komissiyasi;

2021-2026 yillarda tumandagi aholining reproduktiv salomatligini yanada mustahkamlash, onalar, bolalar va o‘smirlar sog‘ligini muhofaza qilish borasidagi tuman dasturini amalga oshirish bo‘yicha tuman komissiyasi;
tuman “Ma’naviyat va ma’rifat” Kengashi;

O‘zbekiston bolalar sportini rivojlantirish jamg‘armasi tuman filiali homiylik kengashi;
kichik va xususiy tadbirkorlikni rivojlantirishni rag‘batlantirish bo‘yicha tuman muvofiqlashtiruvchi kengashi;

fuqarolarning o‘zini o‘zi boshqarish organlari faoliyatini muvofiqlashtirish bo‘yicha tuman kengashi;

qonun hujjatlariga muvofiq tashkil etiladigan boshqa hududiy komissiyalar va kengashlar.

Rahbariyat

Yuldashev Bobirbek Baxodirovich

Mukimjonov Ilyosbek Ikboljon o‘g‘li

G‘ofurova Gulbarno Taxirovna

- Hokimiyat haqida

- Faoliyat

- Davlat xizmatlari

- Hujjatlar

- Raqamli hukumat

- Axborot xizmati

- Bog‘lanish