Markaziy Qizilqumda yirtqich qushlar telemetriyasi: zamonaviy ornitologik tadqiqotlarning yangi bosqichi
2026-08-26 11:55:00 / Yangiliklar
Bir qushning parvozi uning hayoti haqida qancha ma’lumot berishi mumkinligini bilasizmi? Qayerda oziqlandi, qancha masofani bosib o‘tdi va qayerlarga ko‘chdi?
2026-yil iyul oyida Markaziy Qizilqumda O‘zR FA Zoologiya instituti Ornitologiya laboratoriyasi xodimlari va bolgariyalik mutaxassis PhD Vladimir Dobrev, angliyalik ornitolog John Burnside hamda JURU Energy MChJ vakillari hamkorligida Qizil kitobga kiritilgan tasqara (Aegypius monachus) va kal jo‘rchi (Gyps fulvus)ga transmitterlar o‘rnatildi.
Ushbu qurilmalar orqali qushlarning butun tarqalish areali bo‘ylab harakatlanishi, mavsumiy ko‘chishlari, oziqlanish hududlari va fazoviy ekologiyasi uzoq muddat davomida o‘rganiladi.
Olingan ma’lumotlar noyob yirtqich qushlar populyatsiyasini anglash hamda ularni muhofaza qilish bo‘yicha ilmiy choralar ishlab chiqishda muhim ahamiyatga ega.