Xalqaro hamkorlik
2024-09-26 16:25:00 / Yangiliklar
Unda ОIIBga aʼzo 100 dan ortiq davlatdan investitsiya va moliya vazirliklari rahbarlari, hukumatlar, koʻp tomonlama banklar, xalqaro moliya institutlari va xorijiy davlat tashkilotlarining 2 mingga yaqin vakillari, ekspertlar, yirik kompaniyalar va investitsiya fondlari rahbarlari, ommaviy axborot vositalari vakillari ishtirok etmoqda.
Bugun, 26-sentabr kuni tadbir doirasida “Yangi O‘zbekiston — ulkan imkoniyatlarga ega yirik mamlakat” sessiyasi hamda resurslarni safarbar qilish bo‘yicha xalqaro forum bo‘lib o‘tdi.
O‘zbekiston Respublikasi investitsiyalar, sanoat va savdo vaziri Laziz Kudratov qutlov so‘zi bilan OIIB yillik yig‘ilishining Buyuk ipak yo‘lida muhim o‘rinni egallagan, tarixan Sharq va G‘arb, Shimol va Janubni bog‘lovchi bo‘g‘in bo‘lib xizmat qilgan Samarqandda o‘tkazish ramziyligini ta’kidladi.
Vazir 2030 yilga borib iqtisodiyotning 85 foizi xususiy sector tomonidan yaratilishiga erishish, energiyaning 40 foizini qayta tiklanadigan manbalar tomonidan ishlab chiqarilishini ta’minlash hamda oʻrtadan yuqori daromadli mamlakat maqomiga ega boʻlish kabi “Strategiya 2030” maqsadlarini qayd etdi. Mehnat natijadorligini ikki barobarga oshirish, eksport hajmini 45 milliard dollarga yetkazish bo‘yicha ishlar olib borilmoqda.
Laziz Kudratov ishtirokchilarni O‘zbekistonda amalga oshirilayotgan iqtisodiy va sarmoyaviy islohotlarni doimiy qo‘llab-quvvatlab kelayotgani uchun minnatdorlik bildirib, vazirlik o‘zaro taraqqiyot va farovonlik yo‘lidagi qo‘shma tashabbuslarga har tomonlama ko‘mak berishga tayyorligini ta’kidladi.
“O‘zbekiston o‘zgarib bormoqda va siz bu yo‘lda bizning hamkorlarimizsiz. Sizning qo'llab-quvvatlashingiz, maslahatingiz va sarmoyangiz keyingi o'n yil ichida ajoyib yutuqlarga erishishimizga yordam beradi. Bugun biz aynan Samarqandda bejiz uchrashayotganimiz yoq. Asrlar davomida bu buyuk shahar belgilab kelgan savdo, xalqaro munosabatlar va innovatsiyalar anʼanalarini davom ettirmoqdamiz.
O‘zbekiston Respublikasi Investitsiyalar, sanoat va savdo vazirligi nomidan sizni qutlayman va minnatdorchilik bildiraman”, — dedi Laziz Kudratov.
Sessiyada shuningdek, Osiyo infratuzilmaviy investitsiyalar banki rahbari Jin Liqun, Jahon banki guruhi boshqaruvchi direktori va bosh ma’muriy direktori Venkay Chjan, yirik xalqaro investorlar va ekspertlar so‘zga chiqdi.
Tadbirning “Resurslarni safarbar qilish bo‘yicha xalqaro forum” deb nomlangan ikkinchi qismi xalqaro donorlar va investitsiya fondlari bilan hamkorlikning ustuvor yo‘nalishlarining amaliy jihatlarini muhokama qilishga bag‘ishlandi. Xalqaro ekspertlar, nufuzli xalqaro bank va jamg‘armalar hamda mamlakatimiz hamkorlarining O‘zbekistonda sarmoyaviy hamkorlikni rivojlantirish va loyihalarni amalga oshirishning eng istiqbolli yo‘nalishlari bo‘yicha fikr va mulohazalari tinglandi.