Tanishuv davomida Zulayho Mahkamova tumanda faoliyat yuritayotgan hunarmand va tadbirkor ayollar bilan muloqot qildi. 

Ular tomonidan amalga oshirilayotgan ishlar samaradorligi, ishlab chiqarilayotgan mahsulotlar sifati va xaridorgirligi va kelgusidagi rejalar xususida suhbatlashdi.

Shuningdek, Mirishkor mahallasida bedana boqib, ularni yetishtirish faoliyatini yo‘lga qo‘ygan tadbirkorning ish faoliyati ko‘zdan kechirildi. 

Mahallaning faol ayollari bilan oilaviy qadriyatlarni mustahkamlash, nikoh va oila huquqi, oila ma’naviyati, erta va qarindoshlar o‘rtasidagi nikohlarning salbiy oqibatlari hamda xotin-qizlarning jamiyatdagi rolini oshirish xususida suhbatlashildi.

Tashrif davomida Bosh vazir o‘rinbosari Zulayho Mahkamova Qarshi tumanida tadbirkor ayollar bilan uchrashdi va ular bilan muloqot qildi. 

Samimiy ruhda kechgan uchrashuvda bugun tadbirkorlarni qo‘llab-quvvatlash borasida amalga oshirilayotgan keng ko‘lamli islohotlar haqida ta’kidlanib, xotin-qizlar bandligini ta’minlash bo‘yicha bir qator vazifalar haqida firklashildi. Aholi daromadlarini oshirishning muhim omillariga e’tibor qaratildi.

Muloqot davomida tadbirkor xotin-qizlarning taklif va murojaatlari ham tinglandi. Ishlab chiqilgan dastur asosida ularning yechimi ta’minlanadi.