"Sojitz korporatsiyasi" raisi va bosh direktori bilan uchrashuvi to‘g‘risida
2024-09-12 10:05:00 / Yangiliklar
Suhbatda Sojitzning O‘zbekistonda qayta tiklanadigan energiya, sog‘liqni saqlash va transport sohalarida investitsiya loyihalarini amalga oshirishdagi faol pozitsiyasi yuqori baholanib, korporatsiyaning mamlakatimizdagi joriy va yangi tashabbuslarini har tomonlama qo‘llab-quvvatlashga tayyorligi bildirildi.
Uchrashuv doirasida shu yilning iyul oyida Sojitz korporatsiyasi delegatsiyasining davlat rahbari bilan uchrashuvida erishilgan kelishuvlarga muvofiq, Investitsiyalar, sanoat va savdo vazirligi va korporatsiya oʻrtasida Strategik yoʻl xaritasini imzolash marosimi ham bo‘lib o‘tdi. Imzolangan hujjat kelgusidagi hamkorlikning asosiy yo‘nalishlarini belgilab beradi hamda O‘zbekistonning asosiy tarmoqlarini, jumladan, energetika, sog‘liqni saqlash, transport, ijtimoiy infratuzilma va sanoat ishlab chiqarishini rivojlantirish va modernizatsiya qilishga qaratilgan.
Tomonlar Strategik yo‘l xaritasining imzolanishi "Sojitz korporatsiyasi" tarixida yangi sahifa ochishi hamda O‘zbekiston iqtisodiy rivojlanishiga hissa qo‘shadigan yangi loyihalarni birgalikda ishlab chiqish va amalga oshirish bo‘yicha faol hamkorlik uchun asos bo‘lib xizmat qilishi to‘g‘risida yakdil fikr bildirdilar.