O‘zbekiston Respublikasi Mudofaa vazirligi

Ushbu yigʻinga Surxondaryo viloyati shahar va tumanlarida joylashgan umumtaʼlim maktablarida faoliyat yuritayotgan “Vatan tayanchi” bolalar va oʻsmirlar harbiy-vatanparvarlik harakati aʼzolaridan 75 nafari jalb etildi.

Harbiy qismga tashrif buyurgan yoshlar orkestr sadolari ostida tantanali kutib olindi. Soʻngra ular tibbiy koʻrikdan oʻtkazilib, harbiy libos bilan taʼminlandi. 

Harbiy-vatanparvarlik oʻquv yigʻinining tantanali ochilish marosimida Davlat xavfsizlik xizmati, Janubiy operativ qoʻmondonligi, Milliy gvardiya viloyat boshqarmasi mutasaddilari, Yoshlar ishlari agentligi viloyat boshqarmasi, Yoshlar ittifoqi viloyat boshqarmasi, maktabgacha va maktab taʼlimi boshqarmalari vakillari ishtirok etdi.

Tantanali marosimda soʻz olganlar mamlakatimizda yoshlarni Vatanga muhabbat, yurtga sadoqat, milliy va umumbashariy qadriyatlarga hurmat ruhida tarbiyalashga alohida eʼtibor qaratilayotgani taʼkidlandi. 

Dasturga muvofiq shu kuni yoshlar harbiy qism bilan yaqindan tanishib, viloyatdagi kuch tuzilmalarning zamonaviy harbiy texnika va qurol-yarogʻlarini hamda Oʻzbekiston Respublikasi mudofaasiga koʻmaklashuvchi "Vatanparvar" tashkiloti Surxondaryo viloyati kengashi sport texnikalari  koʻrgazmasini koʻzdan kechirdi.

Viloyat musiqali drama teatri sanʼatkorlarining vatanparvarlik ruhidagi sahna chiqishlari namoyish etildi.  Murosasiz kechgan harbiy estafeta, shaxmat, shashka, stol tennisi musobaqalarida yoshlar kuchli, chaqqon va ziyrakligini keng namoyish etdi. 

III darajali serjant Akbar AHMEDOV, Termiz garnizoni.