Unda viloyat hokimliklari, Markaziy okrug qo‘mondonligi, garnizon boshliqlari, Respublika Ma'naviyat va ma'rifat markazining hududiy bo‘limlari, faxriylar, keng jamoatchilik vakillari hamda yoshlar ishtirok etishdi.

Har bir garnizonlarda “Yangi O‘zbekiston armiyasi– mamlakat tayanchi, xalqimiz faxri!” shiori ostida o‘tkazilgan harbiy vatanparvarlik festivallari va uchrashuvlarda  so‘z olganlar yurtimizda ushbu bayram yoshlarni harbiy vatanparvarlik ruhida tarbiyalash, ularning qalbida milliy ruhni shakllantirish va qo‘llab-quvvatlash, ularga shart-sharoitlar yaratib berish ishlarini amalga oshirilishini ta’kidlab, o‘tkaziladigan bayram tadbirlarida barchani faol ishtirok etishga chorlashdi.

Festivallar doirasida o‘tkazilgan harbiy paradlar, harbiy xizmatchilarining qo‘l jangi, faxriy qorovul, Davlat xavfsizlik xizmati chegara qo‘shinlarining xizmat itlari ishtirokidagi chiqishlari hamda harbiy orkestr jamoasining kuy-qo‘shiqlari va turli konsert dasturlari yig‘ilganlarga ko‘tarinki ruh, bayramona kayfiyat ulashdi desak mubolag‘a bo‘lmaydi. 

Ayniqsa, viloyat drama teatrining aktyorlari ijrosidagi buyuk sarkardalarimiz haqidagi sahna ko‘rinishi yoshlar qalbida g‘urur va iftixor tuyg‘ularini shakllantirishga xizmat qildi. 

Shahar va tuman markazlarida start olgan ushbu festivallar va turli madaniy-maʼrifiy, harbiy vatanparvarlik va sport tadbirlari endilikda harbiy ma’muriy sektor a’zolari bilan tuzilgan yo‘l xaritasiga ko‘ra viloyatlarning eng olis hududlarida ham o‘tkaziladi.
Markaziy harbiy okrug matbuot xizmati