“Navoiyuran” DK: “Itochu Corporation” vakillari bilan istiqboldagi rejalar muhokama qilindi
2025-01-31 16:50:00 / Yangiliklar
“Navoiyuran” davlat korxonasida Yaponiyaning “Itochu Corporation” korporatsiyasining Ijrochi direktori, Metallar va mineral resurslar departamenti bosh operatsion direktori Inoue Daisuke boshchiligidagi delegatsiyasi bilan uchrashuv bo‘lib o‘tdi.
Yaponiya delegatsiyasini “Navoiyuran” davlat korxonasi Bosh direktori Dj.Fayzullayev boshchiligidagi korxona mas’ul rahbarlari qabul qildi. Uchrashuv davomida korxona rahbari “Itochu Corporation” korporatsiyasi bilan ko‘p yillik hamkorlik o‘zaro ishonch va ikki tomonlama manfaatli do‘stlik ustiga qurilganini ta’kidladi.