Yer qa'rini qidirish, foydalanish va muhofaza qilish bo'yicha hukumatlararo kengashning XXVII sessiyasi
2024-09-12 17:30:00 / Yangiliklar
Qirgʻiz Respublikasi Cho‘lpon-Ota shahrida Yer qa'rini qidirish, foydalanish va muhofaza qilish bo'yicha hukumatlararo kengashning XXVII sessiyasi bo‘lib o‘tdi.
Sessiyada O‘zbekiston, Qozog‘iston, Qirg‘iz Respublikasi, Rossiya, Belarus va Armanistondan kelgan delegatsiyalar ishtirok etdi.
Tadbirda O‘zbekiston tog‘-kon sanoati va geologiya vaziri maslahatchisi N.Xaqberdiyev Hukumatlararo kengashga raislik qiluvchi sifatida oʻtgan davrda amalga oshirilgan ishlar va erishilgan natijalar toʻgʻrisida hisobot berdi.
Tantanali ochilish marosimida Hukumatlararo kengash raisi funksiyalari O‘zbekistondan Qirg‘iz Respublikasi tabiiy resurslar, ekologiya va texnik nazorat vaziri o‘rinbosari, Qirg‘iziston geologiya xizmati direktori N.Satibaldievga o‘tkazildi.
Shuningdek, Hukumatlararo kengashning XXVII sessiyasi doirasida bir qator hamkorlik kelishuvlari imzolandi.