USGS tashkiloti mutaxassislari bilan uchrashuv bo‘lib o‘tdi
2024-09-10 14:50:00 / Yangiliklar
AQSh USGS tashkilotining xavfli geologik jarayonlarni kuzatish bo‘yicha mutaxassislari hamda Davlat geologik monitoring xizmati xodimlari ishtirokida uchrashuv o‘tkazildi.
Tadbirda yer ko‘chkilarini o‘rganishda ikki tomonlama hamkorlik loyihasi, shu jumladan yer ko‘chkisi xavfi bo‘yicha ilmiy salohiyatni oshirish, geofazoviy ma’lumotlarni to‘plash, yer ko‘chkilari xavfi xaritalarini tuzish va monitoringi qilish kabi mavzular muhokama qilindi.
USGS vakillari AQShda xavfli geologik jarayonlar monitoringini yuritish va ma’lumotlarini qayta ishlash mavzusida taqdimot qilishdi.
“O‘zbekgidrogeologiya” DM va “GIDROINGEO Instituti” DM vakillari muhokamalarda qatnashib, o‘zlarini qiziqtirgan savollarga javob olishdi.